نصائح هامه للزوجين ....... ادخل واستفيد
بسم الله الرحمن الرحيم
السلام عليكم ورحمة الله
طبعا الموضوع بتاع انهاردا مهم جدا وطبعا احنا عارفين ان خلافات الزوجين اصبحت كتيرة اوي
والحمد لله انا لقيت الحل لجميع المشاكل
اليكم الموضوع
الصبح وانت رايح على شغلك وهى نايمه تعمد اسقاط اى شىء او خبط الباب بصوت عالى عشان تصحيها هى كمان .. ايشمعنى انت ؟ ولو حاولت ترجع تنام تانى قولها مادام صحيتى حضرى الفطار بقى
ببساطة قوليله مش فايقة
ولما ييجى من الشغل ويخش ينام استنى شوية واول ماعينه تروح فى النوم عيشى حياتك فى الاوضة وياريت وانتى داخلة يكون معاكى مفاتيح او غوايش اى حاجة تعمل صوت
_ اصحى يوم الجمعة بهمة ونشاط وجهز الفطار لزوجتك بس متنساش انك تستخدم 15 طبق واكبر كميه من الملاعق والشوك و5 حلل من اللى عندكوا فى المطبخ و10 كوبايات لأعداد طبق بيض وسندويتش جبنة طبعا يراعى ترك اثار سمنة على الارض مع ترك الثلاجة مفتوحة وقشر البيض فى الحوض
بسيطة بعد ما تفطرى براحتك خالص البسى هدومك وروقى نفسك وقوليله انك رايحة تزورى ماما
اصلها وحشتك اوى ويعيش حياته هوا فى البيت
4 _ فى عيد ميلادها زينلها تورتة عيد ميلادها بخمسين شمعة ولو سألتك ليه خمسين رغم ان عندها 15 سنه بس ؟ اتحجج بضعف الاضاءة فى البيت وانت بتبص على النجفة اللى عندكوا اللى فيها 30 لمبه مع ابتسامه صفراء خفيفة
هاتيلو بمناسبة عيد ميلادك نظارة وياريت تكون قعر كباية
اذا كنت بتتفرج على التليفزيون وهى عايزة تغير القناه .. قولها معلشى الحلقة دى مهمة جدااا واحد صاحبى شافها على القناه الفضائية وقاللى ان الحلقة دى هى المسلسل كله... ولو كنت بتتفرج على ماتش كورة هيبقى الموضوع اسهل ... كل ما حد من اللاعبين من اى فريق يمسك الكورة قولها معلشى ثوانى بأة انا حاسس ان الكورة دى جون حتى لو كان حارس المرمى ماسك الكورة والماتش واقف لأن فى واحد مصاب اقعدى لتى واعجنى وارغى لغاية ما يزهق ويقوم لواحده
لو عامله ريجيم اجرى على السوبر ماركت ومحلات الحلويات و املى الثلاجة شيكولاتة وحلويات وجاتوهات .. يراعى التجول وانت مستمتع بأكل الجاتوه امامها
اعملى بارتى واعزمى كل الحبايب و يفضل وجود مامتك وشطبوا على التلاجة وعلى خزين البيت كله
ولو سالك ليه كده ردى بكل بلاهة (انا حبيت اعمل تغيير بدل الروتين الممل بتاع كل يوم)
_ متنساش رأيك فى طبيخها لو عامله لحمة قولها حلوة اوى الفراخ دى .. ولو طبخة بامية قولها جميله اوى الملوخية دى حاطة عليها ايه ؟؟ ولو عامله كيكة قولها انا بحب اشرب شاى مع البسكويت الحلو دة !! مترديش عليه سبيه يكلم نفسه
عادى مفيش دم خالص
7 _ لو طلبت منك تنشر الهدوم قولها حاضر مع ابتسامه حانيه وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو ايه اللى وقع ؟ اذكر لها كل هدومها اللى كانت مغسوله مع فردة شراب واحدة من بتوعك عشان متبقاش مقصودة منك !
قوليله خليك زى ما انت فداك الهدوم داانا حتى كنت بفكر اسربهم اصلهم قدموا
اه انا نسيت اقولك انى اشتريت هدوم النهاردة والفواتير حتتبعت على مكتبك يا روحى ( ابتسامة صفراء)
8 _ لو الزوجة قررت مسح الارضيات فى البيت حاول انك تروح وتيجى على المناطق المبلوله متحجج بأنك محتاج تتصل ضرورى بواحد صاحبك ومرة عطشان ومرة تانيه بتجيب الجرنال ومفيش مانع انك تقول انك حاسس ان التليفون هيرن كمان شويه
هما شوية صابون فى الارض حيحلو المشكلة ويقعد على جنب نتيجة كسر او يمكن توصل لشلل
رباعى وعجز تام بس زودى الصابون (شفتو الحب)
وتنتهي الحياة السيعدة بالطلاق
نكتفى بهذا القدر
ونكمل مرة تانية ان شاء الله
اتمني من قلبي ان الكل يكون استفاد معانا في الدرس الاول
ونتواصل
وللامانة منقول
من مواضيع محمد سليم في المنتدى:
 من طرائف المصريين " حكــــــــــاية الــربــع جــنـــيـــه "
من سنن رسول الله صلي الله عليه وسلم ** مش همشي بالساهل **
حلقات الاعجاز العلمي في القرآن للدكتور زغلول النجار
فلسفة النمل
التدرج الوظيفي **محمد متولي الشعراوي*** فخر ميت غمر
طرائف الشيخ وجدي غنيم
ادعية من اقرآن الكريم
من ثمار الاستغفار
ما هي الحاسة التي لا تنام ؟!
حوار مع دمعة
نساء يعتنقن الاسلام
التلبينه
أخر تعديل بواسطة محمد سليم ، 11 -05 -2007 الساعة 06:44 PM
|