السلام عليكم ورحمة الله وبركاته
موضوع يحدث كثيراً مع الزوجات
هذه خواطر لبعض الزوجات وأريد منكم الرد هما معاهم حق ولا لأ
الزوجة بتشتكى
اذا اتصلت على زوجى وهو مع اصحابه بالعمل
يرد ويقول
لى ( الو ...ايوه...لا ....لا ...طيب ...لازم ... ....طيب بعدين اكلمكم 
يعنى الزوج بيبقى محرج إن زوجته إتصلت بيه أمام أصحابه
لكن معاه حق إنه كان مشغول فى عمله والمكان هادئ ومن حــوله اصحابه قريــبيــن منه وانت يا زوجــته العــزيزة صــوتــك عالي يخاف يـــسمعــونــك .......؟؟؟!!!
طيب الزوجه لو اتصلت تقوله كلام حلو رد وقال ايه ايه !!!! طيب خلاص عندى شغل وفى عندي ناس مع السلامه
ولو اتصلت تطلب منه طلبات للبيت قال لها مش وقته بعدين عندي ناس
ولو اتصلت عشان تطمن عليه قالها مش فاضى معايا شغل
انا مش بقول ان كل الرجال كده بس فيه رجاله كتير بيقولوا لزوجاتهم زى كده
يعني الرجالة دول بيكونوا ايه بجانب الرسول صلوات الله وسلامه عليه لما كان يمدح عائشه ويمدح خديجه رضي الله عنها وسائر نسائه امام الرجال
شوفى الفرق لو هو اللى اتصل بيها الواحدة منا بتطير من الفرح اذا اتصل بيها زوجها أمام صديقاتها
و تعتبر هذا حب و اهتمام منه
أما هو يعتبر أنه محكوم من زوجته اذا اتصلت بيه و هو مع أصدقاءه
لكن لو قام أحدهم بوليمة لأصحابه وجاء أحدهم ويقول ماشا لله زوجة فلان نفسها فى الأكل خطير ..........يتلون وجهه بتسعين لون و يكره صاحبه عشان مدح زوجته امام أصحابه
بس انتى عارفة هو معه حق لأن الأصدقاء وقت ما تتصل الزوجة يبدأوا في التعليقات
وزارة الداخلية بتطمن على الأمن وزارة المالية بتبلغك بالطلبات
و الكلام ... كلام محرج على سبيل الضحك
الله يهديهم يا رب
هذه خواطر زوجات
ها ايه رايكم بالموضوع؟