بعض العرب ماينثبر في محلّـه *** لازم يـدوّر مايعكّـر مـزاجـه

تراك غالي لو حصل منك خلّـه *** سويتها مثل السلع فـي حراجـه

والله عجيبه يـوم سـرّك تفلّـه ! *** محدٍ يلاقي عند مثلـه علاجـه !



ماكل دربٍ كـل واحـد يدلّـه ! *** فيها ملف ومنعطـف وإنعواجـه

واللي تذاكىَ جابهـا فـازعٍ لّـه *** لاتحذف العالم وبيتك زجاجـه !!

أوّل تأكّـد قبـل سيفـك تسلّـه *** وتطيح مابيـن الغبـا والسذاجـه



وتركب عليك القاب سخف ومذلّـه *** أقلّهـا لاقـال هـذا دجـاجـه

خلّ الخطا راعيـه يقـدر يحلّـه *** وحكمك تميّز قبل نطقـه خراجـه

والعاقـل يخليـك لازم تجـلّـه *** والسافل إزعاجه يسويَ لجاجـه



من حطّ كفّـه في الحرايـق تملّـه *** وزودٍ على حرق الأصابع وهاجـه

والمرء يتبع فالبشر صاحبٍ لّـه *** الذيب ماشفتـه يخـاوي نعاجـه

أعيدهـا وأقـول لخـوه قـلّـه *** السر سيارة وإحفظـه في جراجـه



دمتـــم بحفظ الرحمـــن .. تقبلــوا إحتــرامى وتقديـــرى

أختــــــــــــكم فى الله .. أحمــــ أم ـــــد