ألا يالله يا عالم بالحال واللي جرالي
يا واحد ما غيـره أشكـي وأناجيــه
يالله يالمعبود يا اللي عليـه إتكالي
تشفي عليـــل عجــز الدواء فيــه
أسهر طوال الليل كني على الصالي
أكتم بجوفي ونتي وهمي أداريــه
ماحد درى بالحـــال عــزي لحالــي
وماحد يحس بحرقـة الجمر غيـر واطيــه
لاموني أحبابي وزادوا بسم حالــي
وياليتهم حسوا باللي فى الحشا أخفيــه
يا ناس حالـي تبدل ما كان هذا حالـي
مادري أيش اللي صار بحالـي وأيش جرى فيــه
عقب الفرح والضحك مالت علي الليالـي
وتبدلت حال السعادة بحزنٍ أداريـــه
ماودي الناس تدري باللي جرالـي
وماودي أشكي ضعفي للمخاليق وأبديــه
واللى يبيح ذبح قلبى لوم الغوالـي
لاموا خفوق بـه من الهم اللي يكفيـه
ياليتهم كفوا عن اللوم وخلوني بحالـي
وخلوني أكتم علتي بالحشا تحرق مابقى فيــه
مالي سـوى رب عـزيـــز الجلالــي
إليـه أشكي الحــال وأسجد وأنـاجيــه
يـــالله أنــا أطلبـك يــاخيـر والـــي
تــرحم عليــل إحتـار الــدواء فيــه
دمتــــم بحفظ الرحمـــن .. تقبلـــوا إحتـــرامى وتقديـــرى
أختكــــــــم فى الله .. أحمـــ أم ــــد