منتديات صوت القرآن الحكيم - عرض مشاركة واحدة

02 -05 -2009, 07:33 PM

إقتباس:

المشاركة الأصلية كتبت بواسطة أم أحمد

صدتني مرة وإثنيـن ونسيت والثالثـة صديت جرحتني وبظلمك لين الحين تساقينى

خلاص رحت عني يعني خلاص مليـت ؟ خلاص ماتفكر فيني خلاص ماتبيني ؟

ماتوقعت أنجرح وأستاهل اللي عطيـت ماتوقعت يهـون عليك عذابي وأنيني

ماتوقعت إني أنجرح منك وماهجيـت ولاتوقعت يجي منك شي مايرضيني

خسارة خاب فيك ظني اللي ظنيـت وماتت ثقتي بكل الناس اللي حواليني

ليش غيـر الطعن والنحر منك مالقيـت ليش تظلمني وأنا أهديتك صادق حنيني

رويتك إخلاصى وغير جرحك ما أرتويـت صدقت معك ودايم بصدك تجازيني

أنا وفيت وإنت ماقدْرت وفاي وتسليـت وماعمري توقعت إنك بتخيب ظنيني

بعت كل الناس وغيـرك ما إشتريـت وإنت بعتني وخليتهـم يتشمتوا فيني

ماتغيرت عليك بيـوم وغيرك ماتمنيت وإنت ماحبيت غير نفسك يامشقيني

إنت اللي إخترت البُعد وعني صديـت وجرحتني وجرحك لين الحين يبكيني

ومن جرحك بكيت وإنت ماحسيـت ومن كثر البـُكا دمـوع عيني تشكينى

وصلت لليأس وإنت عني مادريـت ولاحتى فكرت ياظالم تسأل عني ويني

خلاص أنا من جروحك والله إنتهيـت ومن جروحك كرهت أيامي و سنيني

إخترتك وأنا أعترف إني والله خطيـت وصابني الحزن والهم وإنت لاتفكر تواسيني

يا للأسف قتلت حلمي اللي تمنيـت وماصرت الطبيب اللي تمنيتـه يداوينى

والله ماني مصدق كإني بحلم وصحيـت معقولـة تجرحني ومن جرحك تدميني ؟

لكن ربي موجود وأنـا والله ما نسيـت إنـه من مرض جرحك راح يشافيني

اللهم إليك أشكو ضعف قوتي وقلـة حيلتي

وهواني علي الناس

أنت رب المستضعفين وأنت ربي

إلي من تكلني ؟ .. إلي بعيد يتجهمني ؟ .. أم إلي قريب ملكتـه أمري

إن لم يكن بك غضب عليّ فلا أبالي

ولكن عافيتك أوسع لي

أعوذ بنور وجهك الذي أشرقت بـه السماوات والأرض

وصلح عليـه أمر الدنيا والآخرة من أن يحل عليّ غضبك

أو ينزل بي سخطك .. لك العتبىَ حتي ترضىَ

ولا حول ولا قوة إلا بالله العليّ العظيـم

دمتـــم بحفظ الله .. تقبلــوا إحتــرامي وتقديــرى

أختكــم فى الله .. أحمــ أم ـــد

__________________

البحث عن مواضيع لنفس العضو