منتديات صوت القرآن الحكيم - عرض مشاركة واحدة

20 -06 -2009, 06:55 AM

إقتباس:

المشاركة الأصلية كتبت بواسطة اسامة احمد طلعت

السلام عليكم اخى ابو الخير انا اريد أن أسأل عن بعض ألإشياء وهى :
انا كنت بتألم من ألم فى الجنب اليمين من الخلف وفجأه انتقل الى الأمام عملت فحوصات فدلت على انها حصوات رملية

اية ردك فى الموضوع وهل تنفع الحجامة وهل فى نتيجة

جزاك الله خير الجزاء

وعليكم السلام ورحمة الله وبركاته
ألف سلامه عليك ياعم اسامه يا ابو احمد
متخافش الرمل في الكلى بسيط جداً وسهل التخلص منه بس طاوعني ورد عليا باللي هأولهولك
وتأكد ان دي وصفه جربتها انا ونزلت الحصوه اللي كانت في الكليه
وهي كالتالي
الصبح على الريق تشرب ميه أد ما تأدر لحد امتلاء البطن على دفعات طبعاً
هاتحس انك هاتنفجر من كثرة الماء في بطنك
متخافش
قوم امشي بخطوات كالهروله
عندها هايشتغل البول والبراز وهاتنزل كل المخلفات العالقه في الأمعاء وهاتهتز الحصوات من دفع الماء لها
استمر في شرب الماء وأجبر نفسك على ذالك
العمليه دي عايزه 6 ليتر ماء
وكل ماتخش الحمام للبول وتخرج اشرب تاني أد ما تأدر مطاوعش روحك وتؤول انا مش قادر اشرب اكتر من كده
استمر في الشرب والبول والشرب حتى يخلصوا ال6 ليتر ماء
هاتفضل رايح جاي على الحمام للبول حتى الظهر تقريباً وهاتنزل الحصى والرمل مع البول وهاتحس بذالك بالشعور بالألم في الحالب وهاينزل البول بشعبتين احياناً وذالك لأن الحصى والرمل هايكونوا في مجرى البول
وصدقني ياغالي ان هذه الطريقه سليمه 100% بس عايزه اراده لشرب ال6 ليتر ماء كاملين
جربها وهاتدعيلي
وبالنسبه للحجامه صحيح انها فعاله لزوال الحصى والرمل من الكلى
بس والله طريقة شرب الماء انفع وأجدى
انت طاوعني وهاتخلص من الرمل والحصى
اتمنى لك الشفاء
وانا جاهز لأي سؤال ياسيد

__________________

البحث عن مواضيع لنفس العضو