| هام جداً .. نظام الدخول الجديد للمنتدى |
 |
 |
 |
||
|
|
|
||
 |
|
 |
|
 |
||||||
المنتديات العامةللمواضيع العامة والتي لا تنتمي لأي قسم من أقسام المنتدى |
 |
|
|
LinkBack | أدوات الموضوع |
18 -02 -2007, 01:28 PM
|
#1 (permalink) | |||||||||||||||||||||||||||||||||||||||
|
فراخ الاسواق المصرية علي رأسها ريشة (1)
فراخ الاسواق المصرية علي رأسها ريشة (1)
 للمصريين مبدأ شهير: سيبها علي الله وبالهناء والشفاء الفراخ طعام الغلابة اعلنت التحدي ورفضت الاختفاء واكدت مرارا وتكرارا انها ستظل تقاوم وتقاوم فيرس انفلونزا الطيور لذا انتشر بائعوها وحاملو رايتها من الفرارجية في اسواق مصر ومحالها يواصلون عملهم بكل همة ونشاط ضاربين عرض الحائط بكل القرارات والقوانين والتصريحات التي تحظر عملهم وتوجه اللوم لهم وتتوعدهم بعقوبات رادعة الا انهم لم يبالوا ولم يهتموا تاركين المسألة لمبدأ المصريين الشهير سيبها علي الله قول البسملة واتوكل علي الله وبالهناء والشفاء ومطرح ما يسري يمري . مصراوي قام بجولة في الاسواق رصد خلالها بيع الدواجن رغم انف التحذيرات والتصريحات وعلي عينك يا رقابة. المشهد الاول: سوق الثلاثيني الشهير بمنطقة فيصل .... سوق كبيرة.. الباعة جاءوا من كل حدب وصوب يعلنون عن بضاعتهم كل علي طريقته الخاصة ...تري الزبائن سكاري وماهم بسكاري ولكن بالشراء مشغولون وبدفع الفلوس مهمومون ..خطوات معدودة وتجد الفرارجية وقد انتشروا علي امتداد السوق وعلي جنباته وأمامهم الأقفاص الخشبية وهي ممتلئة عن اخرها بكافة انواع الطيور يمارسون عملهم في البيع والشراء رغم انف انفلونزا الطيور غير عابئين بتصريحات المسئولين او تهديداتهم التي تمتلئ بهم صفحات الجرائد يوميا ضاربين بها عرض الحائط ولا عزاء للرقابة. بدأت جولتي داخل السوق واقتربت من احد الباعة وبدأت فترة جس النبض ثم دار الحوار التالي : لو سمحت كنت عايزة فرخة؟ صاحية ولا مدبوحة؟ السعر كام؟ السعر الكيلو منها 12 جنيه والمدبوحة 13 جنيه. طلبت منه دجاجة مدبوحة واثناء انشغاله بتنظيفه واصلت الكلام معه..انتم موجودين هنا كل يوم؟ طبعا دي شغلنا وهنا رزقنا والرزق يحب الخفية. طب مفيش مشكلة من انفلونزا الطيور؟ ربنا بيسترها يعني لو حصل حاجة احنا هنكون اول ناس تتأذي قولي يا باسط وربنا يحفظنا. يعني مفيش حد بيطردكم من السوق؟ ويطرودونا ليه هو احنا بنعمل حاجة غلط ولا بنبيع محظورات لا سمح الله. ويبدو ان البائع قد ضاق باسئلتي وباتت ردوده عصبية فقمت بمنحه الفلوس وتركته. خطوات وانتقلت الي بائع اخر وبادرني بابتسامة علي امل الشراء منه وجدت امامه كل انواع الطيور بداية من الفراخ والبط والاوز والحمام وحتي الارانب موجودة والبيع علي ودنه! وعندما عرف هويتنا الصحفية انفعل بشدة قائلا ..حرام عليكم عايزين مننا ايه؟ بدل من تتشاطروا علينا اتشطروا علي اللي غرق الناس في البحر ولا اللي لوث الدم انتم جايين علي الغلابة ..الفراخ زي الفل ومفيش فيها حاجة ومهما تكتبوا ومهما تخوفوا الناس مبتبطلش شراء لانهم بيحبوا الحي اكتر من المجمد ولو حصل حاجة لحد كنا اول ناس تتأذي منها سيبونا في حالنا الله يخليكم. المشهد الثاني اجابته الصادمة جعلني اتركه لاجد سيدة طرقت ابواب الاربعينات ..رقة حالها وبساطة ثيابها وملامحها الريفية الواضحة وتجاعيد وجهها التي رسم الزمن تفاصيله عليها وقسوة الايام التي طبعت ملامحها الجامدة عليها ام وردة من محافظة الفيوم جلست بجوار ابنتها التي لم يتجاوز عمرها 10 سنوات وقد انهمكت في اطعام دواجنها وكانها امهم التي تطعمهم وتسقيهم..بادرتها بالحوار: ـ ازيك ياحاجة ـ اهلا وسهلا ـ الفراخ بكام النهاردة ؟ ـ فراخ بلدي شامورت تستاهل بقك يا ست.. تربية ايديا والفرخة ب20 جنيه والبطة ب30 جنيه بتربيهم فين ؟ ـ في البيت عندي ـ انتي مش خايفة من انفلونزا الطيور؟ ـ الشر بره وبعيد احنا طيورنا زي الفل وانا اللي باكلهم بايدي وبكنس تحتهم وبنظف ـ طب وانتي تعرفي ايه عن انفلونزا الطيور؟ ـ يعني الطيور تقعد تعطس وبعدين تموت ـ انتي مفيش حد بيجي يقولك انتي قاعدة هنا ليه؟ ـ لا خالص انا لي زباين مخصوصة وناس ب"عربيات" بتيجي تشتري مني وباجي هنا يوم الاحد والاربعاء ـ والفراخ دي هي اللي بتصرف علي بناتي الثلاثاء لان اكبرهم علي وش جواز يبقي ازاي استغني عنهم وانا لوحدي وجوزي اتوفي من زمان وانا اللي مسئولة عنهم والحكومة هي اللي مطلعة حكاية انفلونزا الطيور عشان عارفة انها اكل الغلابة وهي ميهماش الغلابة وهي حكومة الناس اللي تقدر تاكل لحمة وتدفع في الكيلو 40 جنيه. ـ انتي بتتكلمي في السياسة يا حاجة؟ ـ اعمل ايه من غلبي. هزني حالها والدموع التي بدأت تتساقط من عينيها فقمت بشراء فرخة اخري منها منحتني اياها بسعادة بالغة. تركت ام وردة وواصلت جولتي بالسوق ..حركة البيع نشطة للغاية الزبائن الاغنياء يشترون لحوم الفراخ " البانيه " اما الغلابة فيشترون " الحتت " اي الارجل والرقبة والرأس وفي الاخر كل واشكر. المشهد الثالث اخيرا وبعد عناء طويل لمحت ثلاجة في احدي محلات الفرارجية وقد كتب علي لافتة محله " بيع كل اللحوم المجمدة والمستوردة " ولكن سرعان ما وجدت قفصين ممتلئين بالفراخ الحية البيضاء والبلدي سالته عن السر الذي دفعه الي بيع الدواجن الحية من جديد؟ طب اعمل ايه سمعت كلام الحكومة والتزمت وغيرت النشاط واشتريت ثلاجة ب5 الاف جنيه والحال وقف خالص مفيش حد بيشتري المجمد لقيت كل الناس بتبيع فراخ حية فعملت زيهم. مش خايف من الغرامة؟ غرامة غرامة مش فارقة بدل ما اشحت او اقعد عاطل طول النهار خاصة واني اشتريت الثلاجة بالتقسيط ولسه عليا ديون كتير. نأكل ايه؟ تركنا الفرارجية جانبا وسألنا الطرف الثاني في معادلة العرض والطلب وهم الزبائن عن اسباب اقبالهم علي شراء الجرائد رغم الاخبار اليومية عن تزايد عدد الوفيات بسبب مرض انفلونزا الطيور..اجابتهم صادمة ولكن منطقية تكشف الحقيقة كاملة وتوضح ابعاد القضية التي يهرب المسئولون منها وهي لو لم ناكل فراخ فماذا نأكل ؟ تساؤل طرحه مجدي سعيد " عامل " مضيفا هل نشتري اللحوم الحمراء التي تجاوز سعر الكيلو منها حاجز الاربعين " لحلوح" ام نشتري الاسماك الذي ارتفع سعر الكيلو منها ليصل الي 20 جنيه للبوري والبلطي ب14جنيه مرتبي كله 200 جنيه اعيش بيهم ازاي ؟واللع لو الفراخ فيها ايه هشتريها برضه لاننا مش ممكن نستغني عن الفراخ.. هي غذانا المناسب كفقراء.. حاليا الفرخة اللي وزنها كيلو ونصف ب15 جنيها.. بتشبعنا وترضي الأسرة كلها'. مواطن اخر بادرني بسؤال منطقي" لو كانت الطيور مريضة فلماذا تركت الحكومة الفرارجية يبيعونها بكل حرية دون رقابة وبصراحة انا من ساعة موضوع انفلونزا الطيور بأكل فراخ ولم يحدث لي مكروه ربنا يكملها بالستر . قريبا .. الجزء الثاني
|
|||||||||||||||||||||||||||||||||||||||
|
||||||||||||||||||||||||||||||||||||||||
|
18 -02 -2007, 03:31 PM
|
#3 (permalink) | ||||||||||||||||||||||||||||||||||||||
|
رد: فراخ الاسواق المصرية علي رأسها ريشة (1)
ربنا يسترها ياحاج مختار وأنا عملت موضوع (معلومات طبيه نحتاجها وفيها موضوع عن أنفلونزا الطيور علشان الناس
تخلى بالها وبارك الله فيك
|
||||||||||||||||||||||||||||||||||||||
|
|
|||||||||||||||||||||||||||||||||||||||
|
18 -02 -2007, 07:07 PM
|
#4 (permalink) | |||||||||||||||||||||||||||||||||||||||
|
رد: فراخ الاسواق المصرية علي رأسها ريشة (1)
مشكورين احبابى الكرام
|
|||||||||||||||||||||||||||||||||||||||
|
|
||||||||||||||||||||||||||||||||||||||||
|
18 -02 -2007, 07:42 PM
|
#5 (permalink) | |||||||||||||||||||||||||||||||||||||||||
|
رد: فراخ الاسواق المصرية علي رأسها ريشة (1)
بارك الله فيك يا حاج محمد
ذكرتنى بخطبه جميله جدا للشيخ محمد حسين يعقوب بعنوان إنفلونزا الطيور
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
18 -02 -2007, 10:34 PM
|
#6 (permalink) | ||||||||||||||||||||||||||||||||||||||||
|
رد: فراخ الاسواق المصرية علي رأسها ريشة (1)
|
||||||||||||||||||||||||||||||||||||||||
|
|
|||||||||||||||||||||||||||||||||||||||||
|
19 -02 -2007, 03:14 PM
|
#7 (permalink) | |||||||||||||||||||||||||||||||||||||||
|
رد: فراخ الاسواق المصرية علي رأسها ريشة (1)
شكرا اخى الكريم ممدوح
|
|||||||||||||||||||||||||||||||||||||||
|
|
||||||||||||||||||||||||||||||||||||||||
|
19 -02 -2007, 03:15 PM
|
#8 (permalink) | |||||||||||||||||||||||||||||||||||||||
|
رد: فراخ الاسواق المصرية علي رأسها ريشة (1)
شكرا اخى الكريم بو خالد
لكن انت عايز معتزليه انت زعلان منه ؟
|
|||||||||||||||||||||||||||||||||||||||
|
|
||||||||||||||||||||||||||||||||||||||||
|
19 -02 -2007, 05:07 PM
|
#9 (permalink) | ||||||||||||||||||||||||||||||||||||||||
|
رد: فراخ الاسواق المصرية علي رأسها ريشة (1)
|
||||||||||||||||||||||||||||||||||||||||
|
|
|||||||||||||||||||||||||||||||||||||||||
|
19 -02 -2007, 05:10 PM
|
#10 (permalink) | |||||||||||||||||||||||||||||||||||||||
|
رد: فراخ الاسواق المصرية علي رأسها ريشة (1)
ياجماعه
معتز خلاص موش عايز فراخ شكرا اخى الكريم محمد نصر
|
|||||||||||||||||||||||||||||||||||||||
|
|
||||||||||||||||||||||||||||||||||||||||
|
| يشاهد الموضوع حالياً: 1 (0 عضو و 1 ضيف) | |
| أدوات الموضوع | |
|
|
المواضيع المتشابهة
|
||||
| الموضوع | كاتب الموضوع | المنتدى | مشاركات | المشاركة الأخيرة |
| مختصر كتاب التبيان في تجويد القرآن | خالد عبد الرازق الشويحي | منتدى الأعمال الشخصية | 19 | 04 -09 -2009 05:46 PM |
| 92 طريقة لتعويد أولادك على الصلاة | queen | المنتدى الإسلامي العام | 22 | 17 -12 -2008 03:44 AM |
| تعرف على اكبر موسوعة اختصارات بالفوتوشوب | عاشق المنشاوي | قسم الشروحات العامة وشرح البرامج | 12 | 21 -03 -2008 04:15 PM |
| فوائد القرآن الصحية ؟ ....................... الله اكبر الله اكبر | عابر سبيل1 | المنتدى العام | 7 | 07 -06 -2007 11:31 AM |
