| هام جداً .. نظام الدخول الجديد للمنتدى |
 |
 |
 |
||
|
|
|
||
 |
|
 |
|
 |
||||||
المنتديات العامةللمواضيع العامة والتي لا تنتمي لأي قسم من أقسام المنتدى |
 |
|
|
LinkBack | أدوات الموضوع |
25 -06 -2008, 01:36 AM
|
#1 (permalink) | |||||||||||||||||||||||||||||||||||||||||
|
يوميات طارق الشاب المصري الروش طحن (الدخول إجبارى باللب والسودانى) متجدد
السلام عليكم قبل أى كلام أنا زبون قديم بس أول مرة أطلب مشاريب النهاردة(أشارك) وأكون معاكم على نفس الترابيزة ع العموم هاحاول اخش فى المُود بسرعة ومش عاوز نقرا ونجرى يعنى اللى مر بموقف من مواقف طارق وعرف يخرج منه ينورنا المشهد الأول · يدخل أبو طارق إلى حجرة ولده طارق ليوقظه للذهاب إلى الجامعة فيربت على ظهره الوالد : طارق ... طارق .... قوم يا حبيبى فيفتح الولد عيناً واحدة ينظر بها إلى أبيه فى استغراب طارق : إيه يا بابا فيه إيه ؟ الوالد :قوم يا حبيبى عشان تلحق تروح كليتك ؟ طارق : يا بابا كلية إيه اللى بتصحينى عشانها وش الفجر الوالد : وش الفجر إيه بس... يا بنى الساعة داخلة على عشرة ... قوم يا حبيبى عشان تلحق محاضراتك طارق : يابابا نفض الوالد : أعمل إيه طارق : يعنى كبر يا بابا الوالد : الله اكبر طارق : لا يا بابا مش قصدى ... أن بقولك كبر دماغك يعنى الولد : يا ابنى قوم متتعبنيش .... مش انت عندك محاضرات مهمة النهاردة ؟ طارق : يا بابا مهمة إيه بس ... ده كله فى الكلتشة الوالد ( متعجباً ) : يعنى إيه كلتشة يا بنى .... انت مش عندك محاضرات مهمة النهاردة طارق : يا بابا ... فكك من كلام الستينات ده.... أنا مش قادر أفك رموز وشى الوالد : يا بنى قوم أخوك بيقول ان المحاضرات النهاردة عندك مهمة طارق : يابابا سيبك منه ... ده واد بيهيس الوالد : يعنى إيه .... يعني كلامه صح ولا غلط ؟ طارق : يا بابا ... ابنك ده دماغه مخرومة ... عمالة تنقط .... متسمعلوش و لما يكلمك سد ودانك لحسن ياكلها .... و الودان اليومين دول غالية يابابا ... ملهاش قطع غيار الوالد : يا بنى انت بتتكلم كده ليه ؟ طارق : يعنى بكلمك بالسيم يعنى .... بص يا بابا عشان خاطر ربنا ... سيبنى أنام كمان خمس ست ساعات عشان أقوم فايق .... أنا كنت سهران طول الليل ... سيبنى أأنتخ شوية الوالد : تأنتخ ؟ ... الله يخرب بيتك مش فاهم منك ولا كلمة لا انت و لا أخوك طارق : و الله يابابا أنا مأفور خالص و مش قادر ... سيبنى الوالد : يا بنى كلمنى زى ما بكلمك ... إيه اللى انت بتقوله ده طارق : يا بابا هو انت عشان صاحى بدرى لازم تصحينى أنا كمان بدرى ،سيبنى يا بابا أنا عارف مصلحتى . الوالد : مصلحتك ؟ يا بنى انت بقالك ثلاث سنين فى سنة ثانية طارق : ظلم يا بابا ، الدكاترة بتاعة الكلية حاطينى فى دماغهم لحد ما عفنت الوالد : (وقد بدأ يتغاظ ) طيب قوم يا معفن ... خد لك دوش و افطر و روح الكلية طارق : بابا.. اقفل النور و خد الباب وراك .... و أما أقوم نبقى نشوف موضوع الدش ده الوالد ( بصوت مرتفع ) : أنت حتقوم و لا حقومك بالجزمة طارق ( يجلس على السرير ) : يا فتاح يا عليم .... الواحد لسة معملش استمورننج و بيتهزأ على الصبح يخرج الأب و يدخل أخوه وائل فينظر إليه شذراً طارق : لازم تديها جاز على الصبح .... شعللتها ؟ ... ماشى وائل : هو اللى بيسألنى طارق : قوله معرفش ... قوله معندوش زفت محاضرات وائل : أكذب يعنى ؟ طارق : (يضحك بسخرية ).... لأ إنت متعرفش تكدب ... تحب أقوله انك ساقط ، و منجحتش زى ما قلتله و انك بتعيد السنة من غير ما تعرفه ؟ وائل : ( و قد اصفر وجهه ) لا يا طارق اوعى .... طارق : طيب يا حلو .... روح هاتلى سجارة من علبة أبوك أعمل بيها دماغ الصباحية وائل : يخرج سيجارتين من جيبه . خد اثنين أهم ... بس اخلص بسرعة قبل ما ييجى تانى . طارق : طيب يا إتم .... اختفى من قدامى دلوقت يخرج وائل ، و يبدأ طارق فى تدخين إحدى السجائر و هو بعد ما زال على السرير ثم ينظر بجواره على الكمودينو و يتناول التليفون و يتصل بأحد زملائه طارق : ألو ... أيوه يا هيما .... انت لسة مِكَّحول ... ما تقوم ياواد خليك نشيط هيما : يا بنى حد يتصل بحد دلوقت مفيش زوق .... الساعة لسة عشرة و نص طارق : فوق بقى .... إيه النظام ؟ الحياة أخبارها إيه النهاردة ؟ هيما : زى امبارح .... نروح المول ... و ندخل الكافى شوب .... نطلب شيشة ... نشرب لنا كام ستون ..... نعلق حتتين طراى .... أو نلف نعاكس فى المزز طارق : طيب نتقابل الساعة واحدة .... متحلقليش هيما : حتعمل إيه دلوقت طارق : أنا حاخلع من البيت دلوقت و اخرج أصيع لحد ما نتقابل ، عشان أبويا عاملى فيها أبو الغضب و الأشكيف ... و لو فضلت موجود حيعملى فيها بروسلى و يضربنى . هيما : الحمد لله يا عم... أنا أبويا ميت طارق : يا بختك ... استكانيس براحتك ..... طول عمرك محظوظ .... شاو يغلق الخط ... و يدخل أخوه وائل وائل : اوعى يا طارق تقول لابوك .... لحسن يرحلنى طارق : (ينظر إليه بتعال و كأنه ملك روحه ) خليك حلو معايا أحسنلك ... لحسن أنا لسانى بياكلنى ... و الندالة بتنقح على وائل : ( باستجداء ) اوعى يا طارق طارق : طيب روح هاتلى الجل بتاعك ... عشان الجل بتاعى بياكل فى دماغى زى مية النار وائل : احنا حنبدأ استغلال .... و بعدين انت اللى مابتغسلش دماغك لحد ما باظت طارق : خلص يا عم الأمور ... روح هاتى الجل .... إنجز وائل : يا طارق ما انت عندك إزازة لسة مفتحتهاش طارق : ياد روح هاتها متبقاش إيحة ... و بعدين انت لابس فانلة فى البرد ده ... عاملى فيها هركليز وائل : ( يصرخ و هو يجرى خارج الحجرة ) يا نهار اسود ... دا المكوة على القميص يأخذ طارق نفساً من السيجارة و قبل أن يخرجه من صدره يدخل والده الوالد : إنت لسة نايم ؟ طارق : ( لا يرد حتى لا يخرج الدخان من فمه فيراه أبوه و يخفى السجارة تحت البطانية ) الوالد : يعنى مش عايز تجيبها لبر .... آدى آخرة دلع أمك . هى اللى فسدتك ... لو مخرجتش من البيت و رحت كليتك حالاً حكسر دماغك دى ... إنت فاهم ؟ طارق : ينظر إلى والده و قد احمرت عيناه و انتفخ وجهه الوالد : انت بتبص كده ليه يا واد انت .... جتك البلا فى منظرك ... و يخرج الوالد طارق : يخرج نفسه الذى كتمه حتى كاد أن يموت ، و يسعل بشده يدخل وائل أخوه فيجده على هذه الحال وائل : إيه مالك ؟ حتفطس ولا إيه طارق : روح هاتلى كباية مية أبوك كان حيموتنى .... كنت حسافر يخرج وائل فيستلقى طارق على السرير يسترجع أنفاسه و يغمض عينيه ... و بعد قليل يرتفع صوت شخيره . ------------------ إلى اللقاء مع المشهد الثانى
|
|||||||||||||||||||||||||||||||||||||||||
|
||||||||||||||||||||||||||||||||||||||||||
|
25 -06 -2008, 02:11 AM
|
#2 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
شكرا لك اخي الحبيب ابو احمد ربنا يحفظلك الولاد ويسعدك فيهم واهلا بعودتك لاخوانك بعد غيابك عنهم الموضوع مميز والقصة بالفعل غاية في الروعة انا قراتها سطر سطر واللهى للاسف اخي انه فيه كثير في زمانا هذا مثل ( شخصية طارق ) والسبب حسب ما قرأت في موضوعك هو دلال الام الزائد وعدم حث الولد من الاول على اتباع النظام في الحياة لذلك نرى طارق اصبح لا يبالي في شيء وليس لديه طموح ولا هدف في حياته فهو يعيش حالة الضياع 00 هو وامثاله من اصحابه الذين نسميهم اصحاب السوء واكيد السبب الاهم هم الابتعاد عن ذكر الله وعن الدين لأن المسلم الصحيح لابد يكون ملتزم وشايل لأبوه ولامه وللناس كل الاحترام والتقدير وانه سامع لكلامهم ومطيع اليه نسال الله لنا جميعا ولشبابنا الهداية والرضى وبارك الله فيك وشكرا لك اخي مرة ثانية على موضوعك الطيب ونحن في انتظار بقية القصة ان شاء الله وباقي موضوعاتك الهادفة والمفيدة لاخوتك هنا جميعا هدانا الله واياك دائما الى ما فيه الخير والصلاح باذن الله
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
25 -06 -2008, 03:02 AM
|
#3 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
اخي الغالي ابوطيبه لا تتصور كم انا سعدة بهذا المرور
المميز والله اتمني ان الجميع يقراء هذه القصه حتا يعتبر منها كل مسلم واخي والله معك حق في كل ما قلته وان اتمني الهدايه لكل شباب المسلمين يارب واشكرك اخي مره اخري علي المرور الطيب هذا وانتظر اخي الفصل الثاني من القصه واخيرا تقبل احترامااااااتي الك اخيك ابو أحمد
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
25 -06 -2008, 11:34 AM
|
#5 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
يا عم إنجز هو لسة فيه جزء تانى
على العموم بارك الله فى عمرك أخى فى الله
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
25 -06 -2008, 08:11 PM
|
#6 (permalink) | ||||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
إقتباس:
بشكرك كل الشكر اخي العزيو دكتور محمد علي مرورك وكلمااااتك الطيبه وانتظرو الفصل الثاني
|
||||||||||||||||||||||||||||||||||||||||||
|
|
|||||||||||||||||||||||||||||||||||||||||||
|
25 -06 -2008, 08:13 PM
|
#7 (permalink) | ||||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
إقتباس:
|
||||||||||||||||||||||||||||||||||||||||||
|
|
|||||||||||||||||||||||||||||||||||||||||||
|
25 -06 -2008, 08:30 PM
|
#8 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
أسفين يا معلمين علي التاخير ... الدور ده المشاريب عندي المشهد الثانى الساعة تجاوزت الثانية عشر ظهراً الأب جالس فى حجرة المعيشة يقرأ الجريدة ، و الأم فى المطبخ تعد الشاى طارق يخرج من حجرته يرتدى بنطلون جينز ساقط من على وسطه بطريقة فجة حتى أن ملابسه الداخلية ظاهرة ، و يلبس قميص يلتصق بجسده بشدة ، و بينه و بين البنطلون فراغ يبين بطنه ، و يفتح ثلاثة أزرار مبيناً سلسة كبيرة تنتهى بقطعة فضيئة دائرية مرسوم عليها جمجمة ، شعره مرفوع من الجانبين إلى الوسط على هيئة هرم و يلمع لمعاناً شديداً بسبب الجل ، حذائه أصفر اللون بكعب عال ، و يمسك فى يده الموبايل و سماعته فى أذنه و يشغل عليه أغنية أجنبية لا يفهم معانى كلماتها ، و على عينيه نظارة عريضة جداً لونها بنى ، و فى يده ساعة شديدة الضخامة و فى يده الأخرى حظاظة نحاسية عريضة الوالد: حين يراه : لسة خارج ... بقالك ساعتين بتزوق ؟ طارق: أف .... اصطبحنا بقى يدخل طارق المطبخ لأمه الطيبة و هى تعد الشاى طارق : إيه يا حاجة الأم : لسة صاحى ؟ أبوك عمال ينفخ برة طارق ( بضيق ) : ما هو اللى مصحينى بدرى الأم : بيصحيك عشان تروح الكلية طارق : هو يوم الأجازة بتاعه كدة .... لازم ينكد علينا الأم : وطى صوتك ... عيب كدة طارق : طيب انجزى بقى .... هاتى المصلحة اللى قلتلك عليها امبارح الأم ( بطيبة ) : مصلحة إيه طارق : إيه يا ماما إنت نسيت و لا إيه ؟ .... فين الاربعين جنيه بتوع الكتاب ؟ الأم : يا واد بطل كدب .... كتاب إيه اللى حتشتريه باربعين جنيه طارق : جرى إيه يا ماما .... احنا لسة حنتكلم فى الموضوع ده تانى .... مش انت امبارح قلتى لى ماشى ؟ الأم : لا أنا قلت حاقول لأبوك طارق : يا دى النيلة ... انت لسة حاتقولى ليه ؟ الوالد (من الخارج ينادى على الأم ): إيه يا أم طارق انت بتعملى الشاى على الشمعة ولا إيه ؟ الأم ( تصب الشاى ) : أيو خلاص أنا جاية طارق (يمسك بذراع أمه ): بقولك إيه يا ماما الكتاب ده مهم .... متضيعوش مستقبلى ... حاولى تقصيهم من بابا بسرعة عشان ألحق المحاضرة بتاعتى يخرجان إلى حجرة المعيشة حيث الأب ما زال ماسكاً بالجريدة ، فتضع الأم كوب الشاى أمامه و تجلس ، و طارق يقف أمامهما ينظر إليه الأب بقرف شديد ، و يعود إلى الجريدة مرة ثانية ، فيطأطئ طارق فى ضيق و ينفخ فى نفاد صبر و يشير لأمه : أن كلميه الأم : بقولك إيه يا أبو طارق الوالد : خير الأم : طارق كان عاوز فلوس يشترى بيهم كتاب ينزل الأب الجريدة و ينظر إلى طارق من فوق لتحت الوالد : كتاب إيه ؟ انت مش اشتريت كل الكتب ؟ طارق : كتاب التكاليف الوالد : طيب ما انت عندك كتاب التكاليف طارق : يا بابا ده بتاع السنة اللى فاتت ..... المنهج اتغير الوالد : و ده بكام ان شاء الله طارق : باربعين جنيه الوالد ( صارخاً ) : كام ... أربعين جنيه .... ليه طارق : يا بابا أنا مالى ... الكلية أسعارها غالية الوالد : و أجيبلك منين الأربعين جنيه دول ان شاء الله ؟ إحنا فى آخر الشهر طارق : أعمل إيه يا بابا....... أسقط يعنى ؟ الوالد : لا ... العفو ... و انت وش كده؟ طارق : أيوه .... سمعنى الكلام بتاعك ده كل مرة أقولك فيها على فلوس الوالد : يابنى أربعين جنيه فى الكتاب كتير .... صَوَّرُه ... إعمل زيى ... عمرى ما اشتريت كتاب فى الجامعة طارق : يابابا انت دبلوم تجارة أصلاً . الوالد : و لو ... عمرى ما اشتريت كتاب طارق : و بعدين الدكتور منزل معاه ملزمة لازم نملاها و نرجعها له تانى ، و مانع التصوير الوالد : الله يخرب بيتك على يخرب بيت الدكتور ... حجيبلك منين أربعين جنيه دلوقت طارق : أمال بتصحينى ليه ؟ ... ما كنت تسيبنى نايم .... حاروح الجامعة أعمل إيه دلوقت الأم ( تحاول أن تهدئ الموقف كالعادة ): خلاص يا أبو طارق أنا معايا ثلاثين جنيه بتوع عدسة النظارة بتاعتى ... أصلحها الشهر الجاى و خلاص .... إديله عليهم عشرة جنيه و خليه يشترى الكتاب الوالد : ده كلام ؟.... بقالك أربع شهور تأجلى فى النظارة ... و انت عارفة إن مفيش كتاب و لا حاجة طارق : و المصحف الشريف و عزة جلال الله فيه كتاب يخرج الوالد من جيبه عشرة جنيهات و يمد له يده بها ، يقترب طارق من أبيه فيشم الأب رائحة شعره فيشمئز منها الوالد : إيه ده ... إنت ريحتك وحشة كدة ليه ... إنت حاطط سمنة فى راسك و لا إيه؟ طارق : سمنة إيه يا بابا... ده الجل بتاع الواد وائل... بس طلع حمضان الوالد : ( باشمئزاز ) إنسان مقرف .... أنا عارف بيدخلوك الجامعة إزاى ؟ طارق : يابابا هو انت كل ما تشوفنى تطلع فيه القطط الفطسانة الأم : شباب يا أبو طارق ... بكره ربنا يهديهم الوالد : مش شايفة لا بس زى الرقاصة إزاى ؟ طارق ( بضيق ): هاتى ياماما الفلوس خلينى أخلص الوالد : اسمع .... أما تيجى تورينى الكتاب أبو أربعين جنيه ده ... فاهم ؟ طارق : يحيينا و يحيك ربنا ينظر له الأب شذراً ، فى حين تضحك الأم و تذهب إلى حجرتها لتحضر له باقى المبلغ و هو فى إثرها يخرج وائل و قد لبس شبيهاً بأخيه ، و يذهب إلى والده الذى أمسك بكوب الشاى و هم أن يشرب وائل : بابا .... عاوز أربعين جنيه أشترى بيهم كتاب مسكين وائل ............... الشاى كان ساخناً جداً : ) ********** إلى اللقاء مع المشهد الثالث
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
25 -06 -2008, 09:15 PM
|
#9 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
السلام عليكم ورحمة الله اخي الكريم الفاضل " أبو احمد " ارحب بك معنا اخي الكريم ، انا بشوف من المشاركات انك مساهم معنا من زمان بس بجد اتعرفت على شخصك الكريم اليوم وبس وبهذه القصة الرائعة للمراهق "طارق" والمتاعب التي يلاقيها الوالدين ...واللوم اكيد دائما على الأم ... هي في بعض الأحيان تكون مخطئة وفي البعض الآخر فلا  رائعة القصة اخي الكريم وكما فال لك الاخوة حفظهم الله البقية من فضلك وننتظر دائما جديدك المميز لأنك اضفت للمنتدى العام فكرة جديدة وطيبة مفيدة مهمة لكل اسرة تسعى لحفظ أولادها .... ربنا يحفظ اسرنا كلها مما نلاقيه ونشوفه على الساحة العامة ... وربنا يبارك لنا فيك اخي الكريم
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
26 -06 -2008, 06:04 AM
|
#10 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
الله الله الله بص بقي هقولك حاجة انت عارف انا عشت الكلام ده بالكلمة لا بالحرف لا انت عايش مع واحد قريبي لا انت ابو قريبي وبتحكي قصة ابنك ......... والله العظيم حاجة تجنن .......... انا علي فكرة شاب ولسه في مقتبل حياتي ومش بدعي الصلاح ولا الكمال بس انا علي قدر المستطاع بحاول ان اكون علي قدر كبير من الالتزام وطبعا احنا ماشاء الله ولاد عم كلنا تقريبا في السن ده 22 و23 و24 و25 كده يعني وطبعا هم بيقولوا عليا عايش الدور شوية دقة قديمة شوية عامل فيها دكتور ومغرور شوية وطبعا لان القصة اللي انت بتحكيها دي انا بعيشها وخصوصا مع اولاد عمي بتوع القاهرة العيال الفرافير يعني وبجد انا مستغرب لان الكلام مطابق لا هو بالضبط وكانك عايش معانا وياسلام بقي احيانا نتجمع كلنا في شقة فاضية في مدينة نصر بتاعة واحد من اعمامي وتشوف العجايب !!!!!! الكاسيت يشتغل بشوية موسيقي تخبيط مش عارف هي ايه وطبعا بقي العيال اصحابهم بتوع الجامعة الخاصة يجوا يسهروا واتفرج بقي علي البلاوي المغرب ياذن مافيش مشكلة العشاء برضه ....... وطبعا احنا حزبين حزب الملتزمين وحزب الفرافير فنيجي بقي نشغل شوية قرءان مثلا لشيخ من قرائنا الكبار وبص بقي علي العفاريت تركب العيال دول وطبعا من غيظك يتنزل يتسكت لاننا في الاخر ولاد عم ومهما اختلفنا بنحترم بعض ............. وربنا يهدي
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
26 -06 -2008, 10:09 AM
|
#11 (permalink) | ||||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
إقتباس:
اختي الغاليه والله الشرف بيكون لي عندما يمر علي موضوعي اخت مثلك واتمني من الله انك تكوني متابعه مستمره معنا للقصه هذي وهذ والله حال اولادنا الان اولادنا اللي هم اولاد الدش والستلايت وعلي ما بيقولون نحن في زمن العجائب الله يهدي الجميع يا رب واحب اختي او اتمني من الله لهم الهدايه واتمني ان كل شاب يعرف ان الله سبحانه وتعالي قال بي كتابه العزيز في حق الوالدين بسم الله الرحمن الرحيم ولا تقول لهم اف ولا تنهرهما وقول لهما قولا كريما صدق الله العظيم واشكرك مره اخري اختي الغاليه علي المتابعه واسعدة بمرورك علي موضوعي البسيط هذا اخوكم في الله ابو أحمد استودعكم الله
|
||||||||||||||||||||||||||||||||||||||||||
|
|
|||||||||||||||||||||||||||||||||||||||||||
|
26 -06 -2008, 10:18 AM
|
#12 (permalink) | ||||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
إقتباس:
اخي الغالي على قلبي الدكتور محمد شاهين في بداية الامر احب ان اتقدم لك بلشكر على المتابعه الجميله وعلى الكلام الجميل هذا وعلى تشريفك لي على موضوع من مواضيعي القليله معكم في هذا المنتدي ولكن اخي الكريم هذا ما تعلمنا منكم انت وجميع الاخوه هنا في المنتدي وبلنسبه ان الموضوع يشابه احد افراد الاسره اخاف اكون انا من اسرتكم ولا اعلم او تكون انت صديق وانا لا اعلم على العموم الله يستر يا رب تكون انت احد انا اعرفه وبتكون مشكله يوم اشوفك ههههه علي فكره تراني امزح المهم اخي الغالي كون متابع للقصه وانتظر الفصل الثالث قريب جدا ان شاء الله واخيرا تقبل احترامااااتي الك اخيك في الله ابو احمد
|
||||||||||||||||||||||||||||||||||||||||||
|
|
|||||||||||||||||||||||||||||||||||||||||||
|
26 -06 -2008, 04:33 PM
|
#13 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
ننتظر بفارغ الصبر واشكرك علي المداعبة الطيبة وكل شئ ممكن
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
26 -06 -2008, 07:10 PM
|
#14 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
اشكرك اخي الغالي علي المرور علي المتابعه مع اني اشوف الردود قليله جدا
علي هيك موضوع ولكن وجودك انت والاخوه اللي مره علي الموضوع اكيد شرف لي ويا اخي القصه الان بتكون في المنتدي ان شاء الله
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
26 -06 -2008, 07:13 PM
|
#15 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
المشهد التالت ..:: كان منزل (هيما ) صاحب (طارق ) على بعد شارعين من بيته ، لا تستغرق المسافة بينهما أكثر من عشر دقائق ، قطعها طارق فى ساعة إلا ربع ، لأنه قد وقف فى الطريق أكثر من مرة . فأى فتاة يراها يقف أمامها و يرفع صوت الأغانى على الموبايل لأقصى حد ، ليلفت إنتباهها إليه و إلى منظره المبهر الجذاب !! و لكن لم تعره واحدة منهن أى اهتمام إلا واحدة فقط نظرت إليه بقرف شديد فظن انها وقعت فى المصيدة فابتسم فى زهو و اقترب منها . . . طارق : صباحه عسل الفتاة : نعم ... ؟! طارق : أبداً .... أنا طارق الفتاة : ( و هى تشير إلى قدمها ) و ده شبشب ... لو ما اتلميتش حاضربك بيه فى وسط الشارع طارق : ليه كده .... دا أنا غرضى شريف الفتاة : أمشى ياد من قدامى أحسن أهزأك طارق : ( يشعر بالخطر فيتراجع ) ماشى ... بكرة تندم يا جميل و مشى فى طريقة و قد نسى ما حدث بعد ثوان ، فهذا أمر قد اعتاده و ظل كذلك حتى وصل إلى منزل ( هيما ) ووقف تحت العمارة و اتصل به ، ففتح عليه و رد . طارق ( فى ضيق شديد ) : بتفتح عليه ليه يا إتم ؟ عاجبك كده ؟ ... دى كانت آخر رنة هيما : معلش غصب عنى .... حبيت أكنسل قمت رديت طارق : طيب اخلص .... انزل بسرعة هيما : ثوانى بعد ربع ساعة ينزل ( هيما ) و شكله لا يختلف عن طارق إلا أن شعره شديد الخشونه شديد الضخامة يصنع به كرة كبيرة على رأسه و له لحية صغيرة تحيط بفمه على شكل سكسوكة طارق : إيه يا عم بتعمل إيه ده كله ؟ هيما : معلش ... أصلى جالى تليفون طارق : مين ؟ هيما : البت اللى قلتلك عليها طارق : كلمتك ؟ هيما : يا بنى دى زهتقنى تليفونات ..... دى بتكلمنى على الموبايل بالخمس ساعات كل يوم طارق : ياه ... دى أكيد غنية هيما : يا بنى أبوها سفير .... يعنى بيقبض فى الشهر أكثر من ستة مليون جنيه !!! طارق : يا نهار اسود .... دا أنا أبويا لما بقوله عاوز عشرة جنيه بيعمل استبدال معاش هيما : يا بنى دى مغرقانى هدايا .... لسة امبارح جايبالى دبدوب قدك كده طارق : دبدوب ؟!! كانت جابتلك قميص بدل القميص الجربان اللى انت لابسه ده و مبتغيروش هيما : يا بنى أنا اللى بحب ألبسه ... بقولك معاكش فلوس ؟! طارق : ليه ؟ احنا متفقين ... العملية صايمة .... كل واحد شايل نفسه هيما : متبقاش ندل .... أنا قشفور .... و بعدين إحنا رايحين مكان كله بنات.... متكسفناش طارق : يا بنى بنات إيه ؟ .... أنا حصلى تشبع منهم هيما : يا واد يا لورد ... إلا ما شفت معاك معزة حتى طارق : مش مصدق ..؟! طيب دا أنا لسة معلق واحدة قبل أما جيلك و أخدت نمرتها كمان هيما : ما أنا واخد بالى ... المهم معاك كام طارق : معايا أربعين جنيه هيما : قشطة ... مية مية .... يكفونا النهاردة طارق : استنى شوية يا عم الحلو ... الفلوس دى حجيب بيهم كتاب .... و الباقى حصرف منه لآخر الشهر هيما : كتاب ؟ كتاب إيه يا بنى .... انت حتفشل و لا إيه ؟ طارق : أبويا ياعم .... قالى لازم أشوف الكتاب اللى حتشتريه ده . هيما : دا أبوك ده عُقر قوى طارق : يلا بينا بقى نروح الجامعة نستقضى أى كتاب عشان أخش عليه بيه ، و الباقى نشوف حنعمل بيه إيه هيما : جامعة إيه يا عم ... ما انت عارف أنا مطلعتش الكارنيه طارق : أدخل بالوصل هيما : وصل إيه يا بنى .... هو أنا دفعت حاجة ؟ ... ما انت عارف ...الربعمية جنيه بتوع المصاريف رحت بيهم الرحلة طارق : وحتعمل إيه ؟ هيما : مش عارف ... ممكن أبيع الموبايل طارق : موبايل إيه ؟ يا بنى .... الموبايل بتاعك ده ممكن تقايض بيه على شبشب بلاستيك هيما : أهو يجيب حوالى 200 جنيه و الباقى أحاول اتصرف فيهم طارق : حتتصرف ازاى يعنى ؟ هيما : ما أنا قلت لك ... الواد (كُتْلَة ) شغال أمن فى المول ، كلمته امبارح و قال لى إنه حيودينى الشركة اللى شغلته طارق : طيب ما تكلمه عليا أنا كمان هيما : أما أشوف نفسى الأول أبقى أشوفك طارق : ماشى ... بس خليها فى جمجمتك ....يلا بقى نروح النيلة الكلية هيما : يلا يا برنس طارق : تعالى نركب الميكروباص هيما : ما تيجى يا عم الغنى نركب الأتوبيس و نزوغ زى كل يوم .... و لا انت خلاص.....الاربعين جنيه نسوك أصلك طارق : يلا يا صديق السوء يذهبان إلى محطة الأتوبيس ، و ينتظران أتوبيس الجامعة حتى يأتى فيجدانه مزدحماً فيسران لذلك لسهولة التهرب من الكمسارى فيركبان و فعلاً يزوغان منه و يذهبان إلى وسط الأتوبيس و يقفا وراء فتاة فتلتفت إلى (طارق) و تبتسم له ، فيكاد طارق ينبت له جناحان من الفرحة ... أخيراً وجد فتاة تأبه له ، فيشاهد ذلك ( هيما ) فيكاد ينبت له قرنان من الغيرة ... و يحاول أن يتقدم فيقف هو إلى جوارها فيمنعه (طارق) بذراعه طارق : إيه !!! رايح فين ؟؟؟ مفيش مكان هيما : كده ... حتبيع أخوك من أولها طارق : و لا أعرفك هيما : ماشى يا عم ... و زوغنا كمان ... ماشية معاك حلاوة يهمله طارق تماماً و يلتفت إلى الفتاة الشيك و يسأل نفسه : لماذا تركب مثلها هذا الأتوبيس المزدحم . أخذ طارق يحاول أن يبدأ معها حوار ، فلم يستطع ، فالتفتت هى إليه الفتاة : الدنيا حر قوى طارق : آه .... الواحد عرقان خالص الفتاة : مش عارفة الأتوبيس حيكون فاضى امتى طارق : حيكون فاضى بعد ما الناس تنزل .....ها ها ها ها ها ( و يضحك بصوت عال ) الفتاة : ( تبتسم ) انتا رايح الجامعة ؟ طارق : أيوة الفتاة : فى كلية إيه ؟ طارق : تجارة ... و انتي الفتاة : أنا فى الجامعة الأمريكية طارق : اللى فى التحرير الفتاة : آه طارق : أهلا و سهلاً الفتاة : ده زميلك ؟ هيما : ( يبتسم و يمد يده ليسلم عليها ) آه أنا زميله الفتاة : ( تسلم عليه و هى تبتسم ) أهلا و سهلاً طارق : ( يشعر بالغيرة الشديدة) يلا يا خويا عشان هننزل المحطة الجاية فى هذه اللحظة يفرمل الأتوبيس فرملة شديدة فتميل الفتاة على طارق و تستند عليه فيشم منها رائحة عطر أصابته فى مقتل الفتاة : أنا آسفة طارق : ( يكاد يغمى عليه ) لا ... خالص ... مفيش حاجة هيما : يلا ... المحطة قربت يودعها طارق بابتسامة عريضة و تودعه بمثلها ، ثم ينزلان من الأتوبيس و طارق فى حالة يرثى لها من الوله و التوهان هيما : مالك ... انت سافرت و لا إيه طارق : شفتها و هى بتضحكلى ؟ هيما : يا بنى دى تعبانة خالص .... أما لو شفت البت بتاعتى ... طارق : مش عارف يا أخى... الأتوبيس كل يوم يوصلنا فى ساعة كاملة .... النهارة الطريق ماشى فريرة هيما : أصل انت نحس يابنى طارق : ملحقتش حتى أعرف اسمها هيما : يا عم خلص بقى .... يلا نملى التنك الأول قبل ما نروح الهبابة ، لحسن أنا مكلتش من الأسبوع اللى فات طارق : ماشى يا عم و أنا عازمك هيما : إيه يا عم الكرم اللى نزل عليك مرة واحدة ده طارق : أى خدمة بس متاخدش على كدة ..... تعالى نروح عند فجر الإسلام بتاع الكشرى هيما : متخليها كبدة النهاردة يا طروق طارق : ولا .... بقولك إيه ... لا حيبقى فيه كبدة و لا كشرى ... مش كفاية أنا متكفل بيك النهاردة هيما : ذِل أهلى بقى عشان طبق كشرى حمضان طارق : و جاى على نفسك ليه ؟ بلاش هيما : خلاص يا عم ... اللى ييجى منك أحسن منك يدخلان إلى محل الكشرى فيطلب (طارق ) طبق مخصوص له و يطلب لـ (هيما ) طبق عادى ،فينظر له (هيما) بغل هيما : ماشى يا ندل طارق : انت فاكرنى نسيت و لا إيه .... انتم السابقون هيما : مردودالك طارق : بس يا فقير يا معفن يأكلان و يشبعان و تمتلئ بطونهما ، و يظل طارق يتكلم عن تلك الفتاة و كأنها فتاة أحلامه و أخيراً يأتى الجرسون ليطلب الحساب طارق : الحساب كام ؟ الجرسون : أربعة جنيه يا بيه يمد يده فى جيبه الخلفى ليخرج المحفظة ، فيحمر وجهه ....غير موجودة .... يدخل يده فى جيبه الثانى .... فيصفر وجهه ... غير موجودة طارق : يا نهار اسود ... المحفظة وقعت منى هيما : وقعت ولا اتسرقت طارق : ( و كأنه انتبه إلى شيء ما ) البت بتاعة الأتوبيس .... باين هى اللى سرقتها ... يا بنت الحرامية هيما : و بعدين ... حتعمل إيه كل هذا و الجرسون واقف و كأن الأمر لا يعنيه ... الجرسون : إيه يا بشوات ... فيه فلوس ولا لأ هيما : الطبق العادى بكام الجرسون : بجنيه و نصف يمد هيما يده فى جيبه فيخرج جنيهاً و نصفاً فيدفعه إلى الجرسون طارق : ( و هو يكاد يبكى ) : و بعدين يا (هيما) هيما : أروح أندهلك أبوك ؟ طارق : أبويا إيه الله يخرب بيتك ... هى ناقصة؟ ثم ينظر إلى الجرسون فى استجداء ، فينظر إليه الجرسون فى لامبالاة الجرسون : و بعدين طارق : فيه تليفون هنا ؟ هيما : ما انت معاك الموبايل طارق : ما انت فتحت على و كانت آخر مكالمة شايلها للرنات يا فالح الجرسون : مفيش تليفون طارق : طيب روح يا هيما اتصل بالواد (وحيد ) خليه ييجى يدفع هيما : أنا معيش غير ربع جنيه حاروح بيه طارق : ( يستعطف الجرسون الضخم غير المبالى ) بقول لحضرتك إيه ... إحنا زباين هنا الجرسون : أنا أول مرة أشوفك طارق : الفلوس اتسرقت و الله الجرسون : ما ليش فيه طارق : طيب و بعدين الجرسون : هات الموبايل رهن و روح هات الفلوس طارق : ده بخمسميت جنيه و فيه كاميرا الجرسون : يبقى حتنضرب لما تكسر و حتغسل المواعين و حتقشر بصل لحد ما يجيلك إمساك ثم يذهب ليحاسب زبون آخر هيما : طيب أنا حامشى بقى يا طارق عشان ألحق المحاضرات طارق : محاضرات .... حتسيبنى كدة من غير ما تتصرف هيما : ( يميل عليه و يهمس له ) خلاص بقى يا طارق ... دول قلمين و حيعدوا ... و بعدين ما احنا ياما اضربنا كتير قبل كدة طارق : يا سلام .... انت مش شايف إيده قد إيه ... ده ممكن يفرطلى سنانى بقلم واحد ... القلم التانى ممكن يقلبنى واحدة هيما : أقولك ..؟ إجرى ... يلا هو مش واخد باله .... تعالى نجرى طارق : ( و قد تجرأ قليلا) : طب يلا ... فجأة يجرى هيما و يخرج من المحل ، و يجرى وراءه طارق فيصطدم بزبون داخل إلى المحل فيتعثر و يقع على الأرض ، فيجرى إليه الجرسون و يمسكه من قذاله ، و يدخل به إلى المحل . . . ........ الله يرحمك يا طارق ،، لو طارق عاش هيكون فيه مشهد رابع ،،
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
29 -06 -2008, 06:08 PM
|
#16 (permalink) | |||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
اكيد طارف مش هيعيش ابوه هيخلص عليه ده ذنب امه الغلبانه اللى اخد منها التلاتين جنيه بتوع عدسه النظاره ومش صعبت عليه امه المسكينه نوعيه طارق ده عاوزه الحرق بس لو فكرنا نولع فيهم يبقى هنولع فى نص الشباب ويمكن اكتر من النص كمان ومن يوم ما اللغه الجديده دى طلعت والاهالى جالها ضغط وسكر بنسبه كبيره
الله يكون فى عون الاهالى ويعينهم على طارق واللى زيه وانت ربنا يعينك على احمد ومش يطلع زى طارق ربنا يجعله لك من الصالحين هو وابنائنا وابناء المسلمين اجمعين
|
|||||||||||||||||||||||||||||||||||||||
|
|
||||||||||||||||||||||||||||||||||||||||
|
29 -06 -2008, 07:20 PM
|
#17 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
تسلمي اختي الغاليه ام منه علي المرور الجميل
وشكرا لكي على الدعاء الجميل والله يهدي شباب المسلمين
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
18 -07 -2008, 10:07 PM
|
#18 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
اين الردود يا اخواني الاعزاء القصه مو عجباكم ولا ايه
اذا مو عجباكم قوللي حتا لا اتعب حالي والان انتظر مرورك الكريم اخوكم أحمد سمير
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
24 -07 -2008, 12:40 PM
|
#19 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
اكمل القصه ام لا تريدون اريد اعرف حتا لا اتعب نفسي وخلاص
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
24 -07 -2008, 01:41 PM
|
#20 (permalink) | |||||||||||||||||||||||||||||||||||||||||
|
رد: يوميات طارق الشاب المصري الروش طحن (الدخول إجبارى باللب والسودانى) متجدد
اكتب واكمل اخي الغالي ابو احمد رحم الله امرأ عمل عملا فأتمه المهم الي يمروا في الموضوع اكيد العدد راح يكون كثير وارجوا انك تلتمس العذر لأخوانك وهم اكيد راح يمروا على باقي القصة الحلوة هذه ولك من اخوك كل الشكر على مجهودك الرائع والمميز دائما بارك الله فيك
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
| يشاهد الموضوع حالياً: 1 (0 عضو و 1 ضيف) | |
| أدوات الموضوع | |
|
|
المواضيع المتشابهة
|
||||
| الموضوع | كاتب الموضوع | المنتدى | مشاركات | المشاركة الأخيرة |
| الدخول هنا إجبارى ؟؟؟ ادخل الأن » من فضلك الأن | أسامة المسلم | المنتدى الإسلامي العام | 10 | 12 -07 -2008 01:46 PM |
| الدخول بعد إذنكم إجباري لتكريم أخي عبد الناصر البغدادي | قلاش | منتدى تلاوات القران المجودة | 10 | 01 -02 -2008 02:44 AM |
| الدخول إجباري-الجودة عالية-الشيخ أنور-السور الفتح و الحجرات-السنة 2001-الدعاء مطلوب | أسامه غلوش | منتدى الفديو والمرئيات | 27 | 11 -08 -2007 11:45 PM |
| لاول مرة على النت الطفل المصرى صاحب الصوت الرائع(محمد طارق) | mma80 | منتدى الفديو والمرئيات | 9 | 17 -06 -2007 11:17 PM |
| صورة تذكر باللة | ابوعبداللة | المنتدى الإسلامي العام | 4 | 13 -10 -2006 11:39 AM |
