| هام جداً .. نظام الدخول الجديد للمنتدى |
 |
 |
 |
||
|
|
|
||
 |
|
 |
|
 |
||||||
المنتديات العامةللمواضيع العامة والتي لا تنتمي لأي قسم من أقسام المنتدى |
 |
|
|
LinkBack | أدوات الموضوع |
23 -10 -2006, 03:14 PM
|
#1 (permalink) | |||||||||||||||||||||||||||||||||||||||||
|
مواقف كوميديه محرجه
  شعري والكهربا امنيه مره كنت عند تيتا صحيت باليل وطبعا الشقه غريبه وماشيه احسس وكنت بدور علي كوبس النور وعماله بقي لازقه في الحيطه لحسن حظي تيتا عندها خشب كده عالحيطه وكنت انامن خوفي من الضلمه كنت ماسكه فيها اوي وبدور علي الكوبس..الدنيا كلها نورت ادامي -قالوي اني صرخت صرخه المتكهربين- والبيت صحي والجيران صحيت ولاقتني بقدره قادر في اخر الصاله اللي يضحك بقي ان شعري كان في وضع زاويه قايمه ومكانش راضي ينام.. اتاريهم صحيو مخضوضين من شكلي ومن ساعتها وشعري ضعيف ومبيطولش بس انكتبلي عمر جديد ***** فن الطهى سارة كان فى يوم العصر البيت كله كان نايم حبيت اعمل ليهم مفاجئة جبت الدقيق والبيض وبدات اعمل بلح الشام وكان منظر العجين جميل اوى وبدات احط قطع العجين فى الزيت على النار لم يمر اكثر من نص دقيقة وقطعة العجين تحمر وتنفجر وتخبط فى صقف المطبخ واحدة ورا التانية بشكل مرعب صرخت والبيت كله صحى متعجب من المفرقعات اللى خبزتها ومن يومها حرمت اعمل مفاجئات تانى ***** الحظ الاسود علاءالدين مرة كنت هربان من المدرسة في ثالثة اعدادي وكنت مش عارف اروح فين علشان البيت جنب المدرسة قولت اروح حتة محدش انا اعرفة يروحها، المهم رحت الموقف وركبت عربية المطرية وجلست في الكرسي الاخير وفجأة طلع والدي العربية وجلس في الكرسي الامامي وتصور انت الخوف والرهبة من الموقف والحظ الاسود ***** الرخصة حجازى مرة كنت زهقان قوى فنزلت اسمع الكاست فى العربية فقولت لما اخود بالعربية لفة كدة المهم لقيت العربية بتاعت البوليس دة ماشية و لقيت واحد بيقول العربية السودة القدام دة تركن على جنب انا طبعا كنت حمووت من الخوف المهم ركنت و نزلت و المشكلة انى كنت لابس شورت قصير جدا (ميوووة) و تشرت كت لقيت الضابط بيقولى رخصتك و رخصت العربية و انا ممعيش اى حاجة قلى طب اتفضل معايا و سحب العربية و اخدنى عالقسم المهم دخلت القسم و انا لابس الشورت و قاعد مع المجرمين لحد ما جة بابا ودفع الغرامة و اخدنى و طبعا اخدت علقة تمام و من ساعتها مركبتش عربيتنا ولا مرة ولا حتة مع بابا ***** هي دي الرجالة علي في أحد الأيام كنت أنا وأصحابي نتمشى، أمام أحد البيوت سمعنا صوت صراخ و أصوات ارتطام، بصينا لبعض وقلت يلا يا رجالة نطلع نشوف فيه إيه، طلعنا بمنتهى الشجاعة بسرعة وفي الدور الثالث وجدنا واحد ماسك سنجـة كبيرة في إيده وبصوت مثل الرعد بص لنا وقال فيه حاجة؟؟ وفي ثانية تبدلت شجاعتنا لجبن وأصبحنا مثل الفئران المذعورة ونزلنا مشتتين كل واحد مننا طلع يجري في ناحية، كل واحد مننا راح بيته وأفتكر إننا قعدنا أسبوع ما شفناش بعض. ***** لسه ماصحاش تامر مره كنت نايم والتليفون رن قام اخويا رد عليه فلاقي راجل علي الخط بيقوله "التامين الصحي؟؟" أخويا سمعها غلط وسمعها "تامر صحي؟؟" بالطبع كان الرد المناسب انه قاله "لا واللهي لسه مصحاش ***** الموقف ده حصل معايا شخصيا عفااااااريت ميدو الرايق كنت سهران مع جماعه صحابي والكلام جاب بعضه واتكلمنا عن العفاريت والجن والكلام ده وكان كل واحد بتفنن انه يقول اكتر حاجه مرعبه شافها في حياته المهم انتهت القاعده قبل صلاه الفجر بحوالي نص ساعه وكل واحد قام يروح وانا طالع السلم وطبعا السلم ضلمه عتمه ودماغي لسه بتفكر في العفاريت والجن وفجأه لقيت قدامي شبح نازل علي السلم هاجم عليا صرخت صرخه مش صحت سكان البيت بس لا دي صحت سكان المنطقه كلها والجميل في الموضوع ان الشبح اللي هوه عم احمد جارنا اللي كان نازل يصلي الفجر من الفجعه قعد حوالي نص ساعه عالسلم مش قادر يتلم علي اعصابه يا رب تكون الحكاوي عجبتكم
|
|||||||||||||||||||||||||||||||||||||||||
|
||||||||||||||||||||||||||||||||||||||||||
|
23 -10 -2006, 05:00 PM
|
#2 (permalink) | |||||||||||||||||||||||||||||||||||||||
|
رد : مواقف كوميديه محرجه
|
|||||||||||||||||||||||||||||||||||||||
|
|
||||||||||||||||||||||||||||||||||||||||
|
23 -12 -2008, 05:38 AM
|
#3 (permalink) | |||||||||||||||||||||||||||||||||||||||
|
رد: مواقف كوميديه محرجه
حبذا لو كانت الكتابة بالفصحى
بلغة القرآن الكريم لفهمت المقصود أكثر
|
|||||||||||||||||||||||||||||||||||||||
|
|
||||||||||||||||||||||||||||||||||||||||
|
| يشاهد الموضوع حالياً: 1 (0 عضو و 1 ضيف) | |
| أدوات الموضوع | |
|
|
المواضيع المتشابهة
|
||||
| الموضوع | كاتب الموضوع | المنتدى | مشاركات | المشاركة الأخيرة |
| وصف الرسول الكريم | محمد مختار | المنتدى الإسلامي العام | 21 | 27 -12 -2007 07:40 PM |
| هذه بعض مواقف للشيخ الالبانى رحمه الله | محب المنشاوي | المنتدى الإسلامي العام | 4 | 01 -10 -2006 12:49 AM |
