| هام جداً .. نظام الدخول الجديد للمنتدى |
 |
 |
 |
||
|
|
|
||
 |
|
 |
|
 |
||||||
المنتديات العلميةنبحر في علوم اللغة ونتذوق حلاوة الأدب والبلاغة والشعر ونحو ذلك |
 |
|
|
LinkBack | أدوات الموضوع |
03 -11 -2008, 12:39 AM
|
#1 (permalink) | |||||||||||||||||||||||||||||||||||||||||
|
رباعيات المبدع صلاح جاهين " أرجو التثبيت "
حاسب من الأحزان و حاســـــــب لها حاسب علي رقابيك من حبلـــــــــــها راح تنتهي و لابد راح تنتهــــــــــي مش انتهت أحزان من قبلهــــــــــا؟ عجبي!!!!ا يأسك و صبرك بين إيديك و انت حر تيأس ما تيأس الحياة راح تــــــــمر أنا دقت مندا ومندا عجبي لقيــــــت الصبر مر ويرضك اليـأس مـــــــر عجبي!!!!ا ولدي نصحتك لما صوتي اتنبــــــــــــح ما تخفش من جني و لا من شبـــــــــح و إن هب فيك عفريت قتيــل اسألــــــه ما دافعش ليه عن نفسه يوم ما اندبح عجبي!!!!ا ولدي إليك بدل البالون ميت بالــــــون انفــخ وطرقع فيه علي كل لـــــــــــون عساك تشوف بعينـــــك مصير الرجال المنفوخين في السترة و البنطلـــــون عجبي!!!!ا خوض معركتها زي جدك ما خــــاض صالب و قالب شفتك بامتـــــــــــعاض هــي كده...ما تنولش منها الأمـــــــل غير بعض صد ورد ووجاع مخاض عجبي!!!!ا كام اشتغلت يا نيل في نحت الصخور مليون بئونه وألف مليون هاــــتور يا نيل أنا ابن حلال و من خلفتــــــك و ليه صعيبه علي بس الأمــــــــور عجبي!!!!ا وأنا في الضلام ...من غير شعاع يهتكه أقف مكاني بخــــوف ولا أتركـــــــــــــه ولما يجى النـــور وأشـــــــــوف الدروب أحتار زيادة ..أيهم أسلكه؟؟؟ عجبي!!!!ا عجبتنى كلمه من كـــلام الـــــورق النور شرق من بين حروفها وبرق حبيت أشيلها في قلبي .. قالت حرام ده أنا كل قلب دخلت فيه أتحــــــرق عجبي!!!!ا لا تجــــــبر الإنســــــان ولا تــــحيره يكفيــه ما فــيه من عقـــل بيحيـــــره اللىالنهــارده بيطلبـــه ويشتهيـــــــه هوا اللـــــى بكــره حيشتهــــى يغيره عجبي!!!!ا الدنيــــا أوده كبيــــرة للانتظــــــــــــار فيهـــــا إبــــن آدم زيـــــــه زى الحمار الهـــــــــــــم واحـــــد والمــلل مشترك ومفيش حمــــار بيحـــــاول الانتحـــــــار عجبي!!!!ا ضريــح رخــــــام فيـــه السعيد اندفــــــن و حفـــــره فيهــا الشريد من غير كفـــــن مريـــت عليهـــم .. قلت يا للعجــــــــــــــب لاتنين ريحتهــــم لهـــا نفس العفــــــــــــــن عجبي!!!!ا كـــان فيــــه زمان سحلية طــــول فرسخين كهفيـــن عيونهــــا و خشمهـــا بربخيــــــن ماتت لكن الرعـــــب لم عمــــــــــــــره مات مـع إنه فــــــات بـــــدل التاريـــــخ تاريخين عجبي!!!!ا أنــــا قلبي كــــــوره ...والفــــراودة أكــــــم يامـــــا اتنطـــــــــح وانشـــاط ..وياما اتعكم وأقــــــــول له كلــــــــه حينتهى في الميعاد يقــــــــــــــــــول بساعتك؟ ولا بساعة الحكم؟ عجبي!!!!ا قـالــــوا الشقيــــــــق بيمص دم الشقيـــــــق والناس ما هيـــاش ناس بحق وحقيــــــــــق قلبــــي رميتــــه وجبـــــــت غيرو حجـــــــر داب الحجر ورجعت قلبي رقيق عجبي!!!!ا أحــــب أعيش ولـــو أعيش في الغابــــــــات أصحـــي كمـــــــا ولدتنــــــي أمي وأبـــــــات طائر حــــوان حشـــرة بشـــــــــر بس أعيش ما أحلا الحيــــــــــــــات حتى في هيئة نبـــات عجبي!!!!ا سهيـــــر ليالي ويامــــــــــــــا لفيت وطفت وف ليله كنت راجـــع قمـــــــــــــــــت شفت الخـــــــــــــــوف كئنه كلب ســـــــــد الطريق كنت عــــــــــــــــــايز اقتلـــــــــــــه بس خفت عجبي!!!!ا غمست سنـــــك في الســـــــواد يـــــــــــا قلم علشـــــان ما تكتب شعــــر يقطــــــر ألــــــــم مالك جــرالك إيـــــــــــــــــــه يا مجنون..و ليه رسمـــت وردة و بيت و قلـــــم و علــــــــــــــم عجبي!!!!ا أوصيـــــك يا ابني .. بالليـــــــــــل والزهـــــــور أوصيــــــــــك.. بليـــــــل القاهـــــــرة المسحور وان جيت في بالك اشتري عقد فل لأي سمرة وقبري اوعاك تزور عجبي!!!!ا أنــا شاب لكــــن عمــري ولا ألف عــــــــــــــام وحيـــــد ولكــــن بيــــــن ضلوعي زحـــــــــــام خايــــــف ولكــــن خوفــــي مني أنـــــــــــــــــــا أخـــــــــــــــــرس ولكــــن قلبي مليان كـــــــــلام عجبي!!!!ا أنـــا قلبي كــــــوكب وانطلــــــــــق في المـــــــدار حواليكــــى يامحبــوبتى يا نـــــــــور ونـــــــــــــار يلـــف مهمــــا يلـــف مابيكــــــــــتفيش وتمللي نصـــه ليـــل ونصـــه نهــــــــار عجبي !!!!ا عجبـــــــــــــــي على العجب العجيـــب العجــــــــــــــاب لما الحقيقـــة تطل بعـــــــد احتجاب وتروق وتحلا وفجأه تصبح مفيش كمثل طراطيش بحر ياما خد وجاب عجبي!!!!ا ليــــه يا حبيبتي ما بينــــا دايماً سفـــــــــــــــــــــر ده البعـــــد ذنب كبيــــــر لا يغتفـــــــــــــــــــــــــر ليـــــــه يا حبيبتي ما بينا دايماً بحـــــــــــــــــــور أعــــــدي بحـــــــــر.... ألاقي غيره اتحفـــــــــــر عجبي!!!!ا وقفــت بـيـــــن شــطيــــــــــــــــــــــــن على قــنــطرة الكــدب فيــــــــــن والصـــدق فـيــــــن يا تــــــــــــرى محتـــار ح أموت ... الحــــوت خرج لي وقـــــــــــــال هــوا الكـــلام يتـقــاس بالمسطـــــــــــــــــــــــــــــــرة؟ عجبي !!!!ا يا نجــــم ...نـــورك ليــــه كـــــده بيـــــــــــــــــرتجف؟ هــوانت قنديل زيت؟...أو تختلف؟ أنا نجــم عالــــــــي بس عالــــــي قوى وكل ما انظر تحت أخاف انحدف عجبي !!!!ا ورا كل شباك آلف عين مفتوحين وأنا وأنت ماشيين يا غرامي الحزين لو التصقنا نموت ....بضربة حجر ولو افترقنا...نموت متحسرين عجبي!!!!ا دخل الشتا وقــفـل البيبـان ع البـيوت وجـعل شعاع الشـمس خيط عنكبوت وحاجات كتير بـتمـوت في ليل الشتا لكن حاجات أكـتر بـترفـض تــمـوت عجبي!!!!ا ياللى انت بيتك قش مفروش بريش تقوى عليه الريح .......يصبح مفيش عجبي عليك حواليك مخالب كبار وما لكش غير منقار وقادر تعيش عجبي!!!!ا سمعت نقطه ميه جــوه المحيط بتقول لنقطه ماتنزليش في الغويط أخاف عليكى م الغرق ..... قلت انا ده اللى يخاف مالوعد يبقى عبيط عجبى!!!!ا انا كنت شئ وصبحت شئ ثم شئ شوف ربنا .... قادر على كل شئ هز الشجر شواشيه ووشوشنى قال :ا لابد ما يموت شئ عشان يحيا شئ عجبي !!!!ا ياااااحزين يا قمقم تحت بحر الضياع حزين أنا زيك وإيه مستطاع الحزن مابقالوش جلال يا جدع الحزن زى البرد ....زى الصداع عجبى!!!!ا أنا كل يوم أسمع فلان عذبوه أسرح في بغداد والجزاير وأتوه ما اعجبش من اللي يطيق بجسمه العذاب وأعجب من اللي يطيق يعذب أخوه عجبي!!!!ا وقفت ساعة الصبح بغسل سنانى قالت لي شايف قوتي ولمعاني؟؟؟ إيش تطلب اليوم منى ضحكه أسد ؟؟؟ ولا ابتسامه إعلان أمريكانى؟؟؟؟؟؟؟؟؟؟ عجبى!!!!ا عيني رأت مولود على كتف أمه يصرخ تهنن فيه يصرخ تضمه يصرخ تقول يا بنى متنطق كلام ده اللى ميتكلمش ياكتر همه عجبى!!!!ا أيوب رماه البين بكل العلل سبع سنين مرضان وعنده شلل الصبر طيب.........صبر أيوب شفاه بس الأكيدة مات بفعل الملل عجبي!!!!ا يا خالق الـــكون بــالحســاب والجــــبر وخـــــالقنى ماشى بلختيار والجـبر كل اللى حيلتى زمزميه أمل وازاى تكفينى لباب القبر؟ عجبى!!!!ا يا للي بتبحث عن إله تعبده بحث الغريق عن أي شئ ينجده الله جميل وعليم ورحمن ورحيم احمل صفاته........وانت راحت وجده عجبي!!!!ا يـا مشرط ألجـــراح أمـــانه علـــيك وانت ف حشـايا تبص من حواليك فيه نقطه سوده في قلبي بدأت تبان شيلها كمان ... والفضل يرجع ليك عجبى!!!!ا كيف شفت قلبي والنبي يا طبيب همد و مات والا سامع له دبيب قاللي لقيته مختنق بالدموع ومالوش دوا غير لمسه من إيد حبيب عجبي!!!!ا إنسان أيا إنسان ما أجهلك ما أتفهك في الكون و ماأضألك شمس وقمر وسدوم وملايين نجوم فاكرها يا موهوم مخلوقة لك عجبي!!!!ا أنا قلت كلمة وكان لها معنيين كما بطن واحده وتوأمين زين وشين لو دنيا شر .... التوأم الخير يموت ولو دنيا خير... الشر هيعيش منين ؟؟؟ عجبى!!!!ا أخطفني يـاللى تحبني ع الحصـان الدنيا قالت يوم فى ماضى الزمان إخطفنى يـاللى تحبنى ع الفرس الدنيا قالت ...قام خطفها الشيطان عجبى!!!!ا مـا حد فى الدنيا دى واخد جزاته ولا حد بيفكر فى غير لذاذاته متعرفيش يا حبيبتى ..أنا وانتى مين؟ إنتى عروس النيل .....وأنا النيل بذاته عجبى!!!!ا نسمة ربيع لكن بتكوي الوشوش طيور جميلة بس من غير عشوش قلوب بتخفق.............إنما وحدها هي الحياة كده...كلها في الفافوش عجبي!!!!ا حدوتة عن جعران و عن خنفسه اتقابلوا سوا بعض ساعة مسا ولاقال لهم حد اختشوا عيب حرام ولا حد قال دي علاقة مدنسة عجبي!!!!ا ما نتاش بتلعب ليه يا روح بابا؟ ولا عسكري ولا لص فى عصابة ؟ العب أسد أو ديب رهيب أو غزاله دى الدنيا فى نهاية المطاف غابة عجبى !!!!ا على بعد مليون ميل من أرضنا من الفراغ الكوني بصيت أنا لا شفت فرق بين جبال وبحور ولا شفت فرق ما بين عذاب أو هنا عجبي!!!!ا حقـــرا وفــوق كـوكب حقـير مـحتقــر فى الـكون تكون دنيـاكـو إيـه يا بقر رملايه من صحرا ؟... لكين إيش تقول والكـون بـحالـه جـوه عقـل البــشـر عجبى!!!!ا دي مذكرات وكتبتها من سنين في نوتة زرقا لون بحور الحنين عترت فيها..رميتها في المهملات وقلت صحيح أما صحيح كلام مخبولين عجبي!!!!ا عـاد الربيع كـأنه طعم الحـب والحب نار جوه العروق بتصب أتمتع ازاى بيه وأنا متقطع من كتر خوفي لا فى الخطيئة يطب عجبى !!!!ا أنا اللي بالأمر المحال اغتوى شفت القمر نطيت لفوق بالهوا طلته ما طلتوش إيه انا يهمني وليه ...ما دام بالنشوة قلبي ارتوى عجبي!!!!ا يأسك وصبرك بين إيديك وانت حر تيــأس مــا تـيــأس الحياة راح تمــر أنا دقت منــدا ومنــدا عجبى لقـيـت الصـبر مــر وبـرضــك اليـأس مــر عجبى!!!!ا علم اللوع أضخم كتاب في الأرض بس اللي يغلط فيه يجيبه الأرض أما الصراحة فأمرها ساهل لكن لا تجلب المال ولا تصون العرض عجبي!!!!ا يا باب أيا مقفول ..إمتى الدخول صـبرت ياما واللي يصـبر ينـول دقيت سـنين ... والرد يرجع لي :مين ؟ لو كنت عارف مين أنا ..كنت أقول عجبى!!!!ا أنا كان لي أب وكان رئيس محكمة ستين سنة ..في قضية واحدة أترمى ستين سنة وطلع براءة وخرج يشكى الحياة والموت لرب السما عجبي!!!!ا البط شـال عـدى الجبال والبحور ياما نفسي اهج ...أحج ويا الطـيور أوصيك يا ربى لما أموت .....والنبي ما تودنيش الجنة ...للجنة سور عجبى!!!!ا ولو اتضنيت وفنيت وعمري انفرط مش عاوز الجأ للحلول الوسط وكمان شطط وجنون ما نيش عاوز يا مين يقول لي الصحفيين والغلط عجبي!!!!ا كروان جريح مضروب شعاع م القمر سقط من السموات فؤاده أنكسر جريت عليه قطه عشان تبلعه أتاريه خيال شعراء وما لهوش أثر عجبى!!!!ا قالو السياسة مهلكة بشكل عام.. وبحورها يبني خشنة مش ريش نعام غوص فيها تلقى الغرقانين كلهم شايلين غنايم.... والخفيف اللي عام عجبي!!!!ا دخل الشتا وقفـل البيبـان ع البـيــوت وجعل شـعاع الشمس خيط عنكبــوت وحـاجات كتير بتموت فى ليل الشــتا لكن حـاجـات أكـتر بـتـرفـض تــمـوت عجبى!!!!ا أنا قلت آه..سمعوني قلوا فسد ده كان جدع قلبو حديد واتحسد رديت على الايمين أنا وقلت ..آه لو تعرفوا مني زئير الأسد عجبي!!!!ا يا ملونين البيض فى شم النسيم لـون الحنين والشوق وخمـر النــديم ماتـعـرفـوش سـايق علـيكو النبي تــلونـو الأيـــام بـــلون الـــنـــعـــيم عجبى !!!!ا بين موت وموت ..بين النيران والنيران ع الحبل ماشيين الشجاع والجبان عجبي على دي حياة......ويا للعجب إزاي أنا.....ياتخين..... بقيت بهلوان عجبي!!!!ا العشب طاطا للناسايم ونخ أخضر طرى مالهش فى الحسن أخ عصفور عبيط أنا ... غاوي بهجة وغنا ح انزل هنا ... وأن شا الله يهبرنى فخ عجبى!!!!ا أنا إله الوجد رب الهيام أضرب بسهم الوهم وهم الغرام وهم الغرام من كتر ما هو لذيذ رشقت أنا ف صدري جميع السهام عجبي!!!!ا حتة محارة وجدتها فى يـوم لقية قالت لي شوف كيف الطبيعة شقيه؟ نظرت للكهف اللى فيها ولقيت إن الطبيعة كمان ...لا أخلاقية عجبى!!!!ا آه لو أنا ومحبوب جزنا الفضا في سفينة وحدينا واشيا رضا ساعة صفا تعجبنا نرجع لها والهم قبل ما بيجي يبقى مضى عجبي!!!!ا * يـا نجم ....نورك ليه كده بـيرتجف؟؟؟ هوا انت قنديل زيت ؟...أو تختلف؟؟ ا* أنا نجم عالي ...بس عالي قوى وكل ما انظر تحت أخاف انحدف عجبى!!!!ا مزيكه هاديه الكون فيها انــغمــر وصيف ولـــيل وعقــد فــل وســمر ياهل ترى الناس كلهم مبسوطين ويا هل ترى شايفين جمــال القـــمر عجبى!!!!ا الـمـوج تلول تـــهــبط وتــطلع تــلول يا بحر خدني الشط صاحبك ملول والا بــلاش الشط ح اعمــل بــه إيه ده ريحتـــه طحلب مهـــرى وأم الخلول عجبى!!!!ا إيـــديا في جيوبي وقلبي طــرب سارح فى غـربــه بس مـش مغترب وحدي لكين ونسان وماشى كـده وبابتعد ...ماعـــرفش ...أوباقــتــرب عجبى!!!!ا نظرت فوق للنجوم وأنا ساير رجليا عترت في الحفر والحجاير بقيت أقول وأنا ع التراب ..يا سلام مش بس عبرة أنا أخدت لكن عباير عجبي!!!!ا عيني رأت مخلوق فى غاية البشـاعة أنــا قلت لـه لمـا تأمـلته ساعة اللذة والمــوت علـــموك الــلزج وأنا علموني الفلسفة والشجاعة عجبى !!!!ا جالك أوان ووقفت وقفت وجود يا تجود بده با قلبي يا بده تجود ماحد يقدر يبقى على كل شئ مع إن....عجبي....كل شئ موجود عجبي!!!!ا يـاللى نصحت الـناس بشـرب النبيت مع بنت حلوه ...وعود ,وضحك وحديت مش كنت تنصحهم منين يكسبوا تمن ده كله ؟؟..زوالا يمكن نسيت عجبي!!!!ا ظهر المسيح الحي على سفح ربوة ونزل بهالة الضي.... وقعد في قهوة بصوا ....تعالوا.....قالوا خليه في حاله الناس في حالهم يبني..ما لهمش دعوة عجبي!!!!ا كل اللي في الخمارة صـابهم جنـون صـبحوا الرجال يتبـادلو كاس المنـون وبـدم ونبيـت انكتب ع الجـدار ا(يا ميت ندامة ع اللى قلبـه حنون)ا عجبي!!!!ا يا وردة قلبي معاكي في الريح لعب لا تعبتي م الريح و لا قلبي تعب إحنا كدة :نرتاح في صخب الجنون و في السكون بنخاف قوي و نترعب عجبي!!!!ا عيد ..والعيــال اتنـططوا ع القـبور لعبــوا استغـمـــاية..ولعبوابـابـور وبــاللونــات..ونـايلونـــات شـفتـشى والحــزن ح يروح فين جنب السـرور عجبي!!!!ا ع الجسر فت الصبح تحت الضباب بين اللي لسه بينغرس و اللي طاب ما اهتز قلبي لنبت طالع جديد قد الي ماشي...وتحت باطه كتاب عجبي!!!!ا وقفت بين شـطيـن عـلى قـنطرة الكــدب فين والصــدق فين يــا تـرى محتار حاموت ....الحوت خرج لي وقال هو الكلام يتقـــاس بالمسطرة؟؟ عجبي!!!!ا تسلم يا غصن الخوخ يا عود الحطب بييجي الربيع ..تطلع زهوركعجب وانا ليه بيمضي ربيع وييجي ربيع ولسه برضك قلبي حتة خشب عجبي!!!!ا قـالوا الشــقيق بيـمص دم الشـقيق والنــاس مــاهيــاش نـاس بحــق وحقيــق قلـــبى رمـيـتــه وجبت غيــره حجــر داب الحجــر ...ورجعت قلــبى رقيق عجبي!!!!ا ورا كل شباك آلف عين مفتوحين وانا وانت ماشيين يا غرامي الحزين لو التصقنا نموت ....بضربة حجر ولو افترقنا...نموت متحسرين عجبي!!!!ا يــاللى عـرفت الحـب يــوم وانــطوى حســك تقــول مشتــاق لــنبع الهــوى حســك تقــول مشتـــاق لنبـــع الغــرام ده الحب......مين داق منه قطره ...ارتوى عجبي!!!!ا ورد في ورق سيلوفان يا حلوة اهد يلك؟ و الا انقله بالطين في الشتلة وأجيلك الأولاني لو وحا بحنــــــــــــــــــــــــــاني عجبي علىالتاني بإيـــه يوحي لك عجبي!!!!ا الفيلسوف قاعد يفـــــكر سيبوه لا تعملوه ســـــلطان ولاتصلبوه ما تعرفوش إن الفلاسفة يا هوه الي يقولوه بيرجعوايكــــــــدبوه عجبي!!!!ا سنوات وفــايته عليـا فوج بعد فوج واحــدة خــدتنى إبن والتــانـية زوج والتـالتة أب خـدتنى والــرابعة إيه إيه يعمل إللى بيحدفه مـوج لمــوج؟؟؟ عجبي!!!!ا اوقات أفوق ويحل عني غبايــــــــــــا واشعر كأني فهمت كل الخبايـــــــــا و افتح شفايفي علشان اقول الدرر ما أقولش غير حبة غزل في الصباياا عجبي!!!!ا نظــرت فى الملــكوت كتـير وانشــغلت وبكل كلمــة(ليـه؟)و(عشان يه)سألت اسـأل سؤال...الرد يرجـع ســؤال واخــرج وحيــرتى أشـد ممـا دخلت عجبى!!!!ا ياما صـادفت صــحاب وما صحبتهمش وكاسـات خمــور وشراب وماشربتهمش أندم على الفرص اللى انا سبتهم والا على الفرص اللى مـاسـبتهمش عجبي!!!!ا أحب اعيش ولـو أعيش فى الغـــابـات أصــحى كمـا ولــدتنى أمى وابـات طائر.. حوان ...حشرة ..بشر بس اعيش محـلا الحياة ...حتى فى هيئه نبات عجبي!!!!ا هات يا زمان و هات كمان يا زمان غير بسمة الشجعان مامني يبان هو اللي داق الفرحة يوم ثورتــــه يقدر يعود ولا ثانية للأحــــــــزان ؟ عجبي!!!!ا أنا قلبى كان شـخشيخة أصبح جـرس جلجلت به صـحيوا الخـدم والجــرس أناالمهـرج ...قمتو ليه خفتو ليه لاف إيدى سـيف ولا تحت مـنى فـرس عجبي!!!!ا غدر الزمان يا قلبي مالوش أمـــــان وحاييجي يوم تحتاج لحبة إمــــــان قلبي ارتجف وسألني.. أأمنْ بإيه؟ أأمن بإيه محتار بقالي زمـــــــــان عجبي!!!!ا رقبه قزازه وقلبى فيه أنحشر شـربت كاس واتنين وخـامس عشر صـاحبت ناس م الخمرة ترجع وحوش وصـاحبت ناس م الخمرة نترجع بشر عجبي!!!!ا حبيت...لـكن حب من غـير حنــان وصـاحبت لـكن صحبه مـالهــاش أمـان رحت لحكــيم واكتـر لقيـت بــلوتى إن اللى جـوه القلب مش عاللسان عجبي!!!!ا فارس وحيد جوه الدروع الحـــــــــديد رفرف عليه عصفور وقال له نشـــــيد منين.. منين.. و لفين لفين يا جدع قال من بعيد ولسه رايح بعـــــــــــيد عجبي!!!!ا نوح راح لحـالـه والطـوفـان استمر مركبنا تايهة لسـه مش لاقية بر أهم الطـوفان وأهين يـابر الأمـان إزاى تبـان والـدنيا غرقانة شر عجبي!!!!ا على رجلى دم ...نظـرت له ما احتملــت على إيدى دم ..ســألت :ليه ؟لم وصلت على كتفى دم وحـتى على راســى دم أنا كلى دم ..قتلت؟؟...والا اتقتلت؟؟ عجبي!!!!ا تسلم يا غصن الخوخ يا عود الحطب بييجي الربيع..تطلع زهورك عجـــب وانا ليه بيمضي ربيع وييجي ربيـع ولسه برضك قلبي حتة خشــــــب عجبي!!!!ا الـدنيا من غيـر الــربيع مـيته ورقـة شـجـر ضــعفـانه ومفتفته -لأ يــاجدع غلطان تــأمـل وشوف زهر الشتا طــالع فى عزالشتا عجبي!!!!ا ياللي في حماه الشمس تلقى الملاذ و ألف بكره و بكره..في ضلوعـــــــــه لاذ مين أنت ؟ مارد ؟ رب ؟ قال لأ ده بـس انا اللي باروي القمح واسقي الفـولاذ عجبي!!!!ا ينبــوع وفى الحواديت أنا ســمعت عن إنه عجيب ...وف وسط لهاليب لكنـه شقيت كما الفرسـان طريقى ...لقيت حتى الخنـازير والكلاب شـربـوا منـه عجبي!!!!ا على بعد مليون ميل من أرضنا لا شفت فرق مابين جبال أو بحور ولا شفت فرق مابين عذاب أو هنا عجبي!!!!ا وسط الحطام اتفرجوا يا أنـــــــــــام تمثال ملك..ومبوله مالرخــــــــــام لتنين نحتهم نفس أسطى الحجر و كانوا ذات يوم كتلتين لسه خام عجبي!!!!ا سـرداب فى مستشفى الولادة طـويــل صـرخات عذاب ورا كل باب وعـويل وفى الطريق متزوقين البنات متزوقين للحب والمواويل عجبي!!!!ا غسل المسيح قدمك يا حافي القدم طوبي لمن كانوا عشانك خــــــــــدم صنعت أنا لك نعليك يا أخــــــــــــــــي مستني إيه ...ما تقوم تدوس العدم عجبي!!!!ا عجبي عليك..عجبي عليك يا زمن يا بو البدع.. يا مبكي عيني دمــــاً إزاي أنا.. أختار لروحي طريـــــــــق و أنا اللي داخل في الحياة مرغماً عجبي!!!!ا الدنيا من غير الربيع ميتة ورقه شجر ضعفانه ومفتفته لا يا جدع غلطان تأمل وشوف زهر الشتا طالع فى عز الشتا عجبى!!!!!ا
|
|||||||||||||||||||||||||||||||||||||||||
|
||||||||||||||||||||||||||||||||||||||||||
|
04 -11 -2008, 04:03 PM
|
#2 (permalink) | |||||||||||||||||||||||||||||||||||||||||
|
رد: رباعيات المبدع صلاح جاهين " أرجو التثبيت "
جميل 00 ومجهود كبير
اخ هيمة 00 شكرا وبارك الله فيك خالص تحياتي
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
04 -11 -2008, 10:52 PM
|
#3 (permalink) | |||||||||||||||||||||||||||||||||||||||||
|
رد: رباعيات المبدع صلاح جاهين " أرجو التثبيت "
الأخ الكريم أبو طيبه
بعد خالص تحياتي إلي شخصكم الكريم وشعب العراق الشقيق أشكر مرورك الطيب وردك العطر وتقديرك للمجهود المبذول تقبل تحياتي
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
06 -11 -2008, 08:32 PM
|
#4 (permalink) | |||||||||||||||||||||||||||||||||||||||||
|
رد: رباعيات المبدع صلاح جاهين " أرجو التثبيت "
بارك الله فيك
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
09 -11 -2008, 03:33 PM
|
#5 (permalink) | |||||||||||||||||||||||||||||||||||||||||
|
رد: رباعيات المبدع صلاح جاهين " أرجو التثبيت "
وبارك الله في مرورك الطيب
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
15 -11 -2008, 12:46 PM
|
#6 (permalink) | |||||||||||||||||||||||||||||||||||||||||
|
رد: رباعيات المبدع صلاح جاهين " أرجو التثبيت "
أحب أشكرك على المجهود الرائع لأني بحب حاجة أسمها رباعيات جاهين وعلى فكرة أنا بحب الشعر جداً وبكتب أشعار بس دايماً خايفة ان حد يقرأها ومتكنشي جيدة وأتكسف قدام اللي يقرأها
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
16 -11 -2008, 03:23 PM
|
#7 (permalink) | |||||||||||||||||||||||||||||||||||||||
|
رد: رباعيات المبدع صلاح جاهين " أرجو التثبيت "
اخي العزيز السلام عليكم ورحمة الله وبركاته الراحل صلاح جاهين من قمم العاميه في مصر اشكر لك هذا المجهود الرائع بارك الله فيك
|
|||||||||||||||||||||||||||||||||||||||
|
|
||||||||||||||||||||||||||||||||||||||||
|
16 -11 -2008, 05:13 PM
|
#8 (permalink) | |||||||||||||||||||||||||||||||||||||||||
|
رد: رباعيات المبدع صلاح جاهين " أرجو التثبيت "
الأخت العزيزة نور الجبالي
بداية أشكر مرورك الجميل وكلماتك الأجمل ثم يا أستاذه اكتبي ما تعبري به عن نفسك والأدب والشعر ما فيهومش كسوف ولا حاجه اعرضي حاجه معينه وشوفي صداها وان لاقيتي نقد لابد من الاستفاده منه ياللا يانور ابدأي وإن شاء الله أول من سيقرأ لك أنا سعيد جدا بك والي المام والله الموفق
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
16 -11 -2008, 05:16 PM
|
#9 (permalink) | |||||||||||||||||||||||||||||||||||||||||
|
رد: رباعيات المبدع صلاح جاهين " أرجو التثبيت "
الأخ الفاضل السويسي
أشكر مرور الكريم وتحياتي لشخصكم الكريم تقبل خالص تحياتي
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
14 -12 -2008, 03:56 AM
|
#10 (permalink) | ||||||||||||||||||||||||||||||||||||||
|
رد: رباعيات المبدع صلاح جاهين " أرجو التثبيت "
 ايه الجمال ده ياهيمة اتمنى لك التوفيق الله يرحم صلاح جاهين
|
||||||||||||||||||||||||||||||||||||||
|
|
|||||||||||||||||||||||||||||||||||||||
|
11 -02 -2009, 06:49 PM
|
#11 (permalink) | |||||||||||||||||||||||||||||||||||||||||
|
رد: رباعيات المبدع صلاح جاهين " أرجو التثبيت "
الأخت الفاضله عبير محمود "المهاجرة إلي ربي "
مرورك زاد الموضوع جمالا وأشكرك علي ذوقك الرفيع اللهم اغفر لك ولوالديك ما تقدم من ذنبهم وما تأخر وقهم عذاب القبر وعذاب النار وأدخلهم الفردوس الأعلي مع الأنبياء والشهداء والصالحين اللهم اجعل دعاءهم مستجاب في الدنيا والاخرة ربنا 00 دعوناك كما أمرتنا 000 فا ستجب لنا كما وعدتنا
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
| يشاهد الموضوع حالياً: 1 (0 عضو و 1 ضيف) | |
| أدوات الموضوع | |
|
|
المواضيع المتشابهة
|
||||
| الموضوع | كاتب الموضوع | المنتدى | مشاركات | المشاركة الأخيرة |
| الشيخ" شبه المنسي" صلاح يوسف وما تيسر من سورتي " النجم والقمر 10/4/2007م | حامد حسن | منتدى تلاوات القران المجودة | 6 | 03 -07 -2009 07:39 PM |
| """"كم مرة فاتتك الصلاة وأنت جالس على الكمبيوتر برنامج للتذكير بالصلاة والأذكار "" | فتى مصر | المنتدى العام | 23 | 13 -06 -2008 01:05 AM |
| قبس من سورة ""ق"" بطريقة منشاوية أرجو الاستماع و التعليق أثابكم الله | عماد عبد العال | منتدى الأعمال الشخصية | 10 | 09 -05 -2007 10:43 PM |
