| هام جداً .. نظام الدخول الجديد للمنتدى |
 |
 |
 |
||
|
|
|
||
 |
|
 |
|
 |
||||||
المنتديات العامةللمواضيع العامة والتي لا تنتمي لأي قسم من أقسام المنتدى |
 |
|
|
LinkBack | أدوات الموضوع |
01 -02 -2009, 03:32 PM
|
#1 (permalink) | |||||||||||||||||||||||||||||||||||||||||
|
ادخل وشوف يوميات غزاوى
شر البلية ما يضحك
 هاد النص كتبو شب مدني من غزة بيوصف فيه حياتو اليومية ، يمكن مكتوب بصيغة مزح بس بتضل حقيقة الحصار و الخوف و الموت بتطل من كل كلمة فيه مكتوب بلهجة غزاوية بسيطة في دليل على الصمود رغم كل شي اقرؤو ... اضكحو شوي .. و ابكو شوي .. مو شر البلية ما يضحك ؟؟ وما تنسو أهل غزة من دعائكم اليوم العشرين.. وليلة من قاع الكيلة.. واجا اليوم العشرين.. وكل يوم بنقول هادة أقوى يوم.. وأعنف يوم.. لا بس بجد.. اليوم أعنف وأقوى يوم شفناه.. كنا نشوف أغلب القصف على التلفزيون .. هلقيت صار قدامنا مباشر.. طول الليل الدنيا تضوي وتطفي.. زي الألعاب النارية.. بس العالم الألعاب النارية عندها من الأرض للسما.. إلا في غزة.. من السما للأرض.. هيهم وصلوا تل الهوى.. يعني بشيكل بكونوا عنا.. مش بشيكل ونص حتى.. أنا قاعد عالكمبيوتر.. وأهلي كلهم مجتمعين قالبين محللين عسكريين.. وعاملين غرفة عمليات مشتركة.. ومستغربين اني قاعد عالنت.. على أساس إنو الدنيا حرب لازم أضل قاعد ألطم.. تلت أسابيع قا عدين في الدار لا طلعة ولا نزلة.. ولا شغلة ولا مشغلة.. فش كهربا ولا ميا.. من كتر الزهق من القعدة الواحد بتحير ايش يعمل في الدار.. مرات بقعد أعد البلاط.. ومرات أكم كسرة في الستارة.. وأحياناً بقعد ألعب في الجوال (في حال كان فيه بطارية).. أو بقعد أتشغل في واحد من اخواتي.. ما علينا.. الحلو في الموضوع انه شلومو بتبين حنيته في وقت الحرب .. بقولك حفاظاً على رفاهية الشعب.. اعطونا تلت ساعات تهدئة في اليوم.. الواحد يعمل فيهم اللي بده اياه.. وأحلى ما فيهم انهم مشكلين.. يوم من الوحدة للأربعة.. ويوم من التمنية للحدعش.. ويوم من العشرة للوحدة.. وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة.. والله الواحد بتحير ايش يعمل في التلت ساعات .. مسافة ما يفكر وين يطلع (على أساس ضل مكان في غزة الواحد يروح عليه) بكونوا خلصوا.. اليوم قعدت أفكر أفكر ايش أعمل.. لقيت احسن اشي أعمله اني أنام.. عشان الجو بكون هدوء وفش صوت قصف (نسبياً) .. لأنه طول الليل صوت القصف وصوت الزنانات بخليش الواحد يعرف ينام.. الواحد بحس انه في واحد بخرق في نافوخه بمقدح.. طول ما الواحد قاعد وهوة بسمع يا صوت صاروخ قريب.. يا بعيد.. يا بحس بهزة.. وبدينا نسمع مناطق غريبة صاروا يقصفوها.. مرة مقبرة.. ومرة صالة أفراح.. ومرة عمارة سكنية.. ومرة دار مهجورة.. أو بقصفوا مكان قصفوه قبل هيك (للتأكيد).. طبعاً في هادي المناسبة بحب أتقدم بالشكر للطيار اللي بقصف بإنه بحدف صاروخ صغير عالدار قبل ما يجيبها نصين بالصاروخ اللي بعده.. شايفين الإنسانية لوين.. وبتقولوا عنهم عاطلين.. يعني اللي ما بصيده الصاروخ الأول.. معاه خمس دقايق ينفد بجلده قبل ما يجيب أجله الصاروخ التاني.. الأعمار بيد الله.. الواحد عنده يقين انه كل شي بأمر الله.. عالرغم بإنه الواحد بطل يخاف زي أول لما يسمع صوت صاروخ.. بس إلا إنه الخوف من انه الطيار أخو الشلن تحلو دارنا في عينه ويمزعنا صاروخ بحجة الغسيل اللي عالسطح بأثر عالزنانات.. دايما بحاول أواسي حالي بالمقولة اللي بتقول "متخفش من صوت الرصاص.. لأنه الرصاصة اللي حتقتلك مش حتسمع صوتها".. بس هالمقولة بتنطبقش عالصواريخ.. ولا ايش رأيكم..؟ أكتر اشي بكيف عليه لما يرن تلفون الدار.. بنصير نتقاتل مين يرد عالتلفون أنا واخواتي.. عشان نحكي مع الناس اللي بتصلوا من الدول العربية.. كل واحد وحظه.. يطلع الإتصال من المغرب.. الجزائر.. مصر.. ليبيا.. السعودية.. السودان.. ويطلعله واح د بقولك جيش الدفاع الاسرائيلي.. ويطلع الشب بحزرك انه يكون عندك سلاح.. أو تتعامل مع واحد من المقاومة.. بس اليوم حسيت انه فش إلا تلفونا بكل غزة.. مسكتش وهوة يرن.. - ألو السلام عليكم... - وعليكم السلام.. - معك فلانة من ليبيا.. الله معكم.. الله ينصركم.. الله يقويكم.. - تسلمي يا حجة.. إدعولنا.. - الله ينصركم ويحفظكم.. - يلا سلام عليكم.. - وعليكم السلام.. هادي عينة من المكالمات اللي بتوصلنا.. مع انها صغيرة وفهاش رغي وطق حنك .. إلا إنها بتحسس الواحد انه مش لحاله وفي حد معاه.. ويا حبيبي لو خلال المكالمة نزل صاروخ ولا الخمسمية تاعت الأباتشي اشتغلت.. شوف العياط على التلفون .. وبدل ما هما يصيروا يواسوك ويهدوا فيك.. احنا بنصير نهدي فيهم ونسكت هم.. لأ والشغلة الجديدة اللي غايظاني قصة الفسفور.. أنا طول عمري بسمع انه الفسفور في السمك.. وإنه مفيد.. وكل ما الواحد كان ياكل سمك.. كان يحس حاله صار يضوي من الفسفور.. بس هان الوضع مختلف.. فسفور صح بخليك تضوي.. يعني أول ما تيجي عليك قذيفة فسفور.. وتهب فيك النار.. حيصير اللي يشوفك يقولك منور ياحج.. الله يلطف فينا.. طبعاً وقت الفراغ الواحد بحاول يستغله بإشي مفيد.. أنا استغليت وقتي برياضة جديدة.. وهية رياضة براميل الميا.. أول ما أفتح عنيا على طول بمارس الرياضة اليومية.. بطلع على سطح الدار بتفقد البراميل.. وقديش ضايل ميا.. طبعاً عن طريق الدقدقة على البرميل.. الواحد صارت أذنه موسيقية برميلية.. وصار من صوت الدقة على البرميل يعرف إذا كان فاضي ولا مليان (طبعاً هادي الكل بعرفها).. بس الجديد واللي اكتسبته مع الخبرة انه لو كان البرميل مليان أعرف أكم لتر ميا فيه.. أنا لقيت حالي لهلقيت عايش قلت أكتبلكم أحكيلكم عن وضعنا.. بكرة يمكن أكون عايش بس مش قادر أكتب.. أو مش عايش من أصلو.. إدعولنا.. إدعوا تنحل هالقصة على خير.. إدعوا للمقاومين.. إدعوا للشهدا.. إدعوا للجرحى.. إدعوا للناس الله يصبرها.. إدعوا للكل.. ولو ضل معكم وقت.. إدعولي أصير غني.. ونشوفكم على خير..
أخر تعديل بواسطة أم أحمد ، 01 -02 -2009 الساعة 07:19 PM السبب: حذف بعض كلمات ليس ذات فائـدة |
|||||||||||||||||||||||||||||||||||||||||
|
||||||||||||||||||||||||||||||||||||||||||
|
01 -02 -2009, 07:22 PM
|
#2 (permalink) | |||||||||||||||||||||||||||||||||||||||||
|
رد: ادخل وشوف يوميات غزاوى
السلام عليكم ورحمـة الله وبـركاتـه 
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
01 -02 -2009, 08:09 PM
|
#3 (permalink) | |||||||||||||||||||||||||||||||||||||||||
|
رد: ادخل وشوف يوميات غزاوى
نقل لمعاناة شعب باكمله من خلال سطور ضاحكة او مضحكة
هكذا ربما يراها البعض وعندما يقرأ يكثر من الضحك على الاسلوب الهزلي الذي تضمنته هذه الاسطر القليلة لكنها رواية رائعة وملامسة حقيقة لمعاناة هذا الشعب وغدا ان شاء الله سيكتب تحرير فلسطين والقدس بوركت اخت الكريمة على هذا النقل الطيب
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
01 -02 -2009, 09:28 PM
|
#4 (permalink) | |||||||||||||||||||||||||||||||||||||||||
|
رد: ادخل وشوف يوميات غزاوى
مشكورة اختي الكريمة ام فادي بارك الله فيكي لقد عايشنا ماّسي اهل غزة يوما" بيوم واسفنا كثيرا" لما حصل لهم ربنا يدوم النصر لهم امين
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
01 -02 -2009, 10:12 PM
|
#5 (permalink) | |||||||||||||||||||||||||||||||||||||||
|
رد: ادخل وشوف يوميات غزاوى
تسلم ايدك اختي الغاليه ام فادي على ها اليوميات لغزواي ---يمكن الشي اللي ضحكني فيها هو الاتصال من اشخاص من دوله عربيه حتى يواسوا الناس في غزه--ولكن عند سماعهم صوت الانفجار --انفجروا من الخوف وصار اهل غزه هما اللي يواسوا المتصلين ---اختي شكرا لكي ع الموضوع --وزي ما بيقولوا شر البلية ما يضحك !!--وربنا معكم يا أهلنا في غزه و بفلسطين --وقلوبنا كمان ---
تقبلي احترامي
|
|||||||||||||||||||||||||||||||||||||||
|
|
||||||||||||||||||||||||||||||||||||||||
|
02 -02 -2009, 09:34 AM
|
#6 (permalink) | |||||||||||||||||||||||||||||||||||||||||
|
رد: ادخل وشوف يوميات غزاوى
السلام عليكم
اهلا بكم خميعا اخوانى واخواتى الكرام الله يكون معنا المخفى اعظم م شكرا لتفاعلكم معنا
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
03 -02 -2009, 10:46 AM
|
#7 (permalink) | |||||||||||||||||||||||||||||||||||||||||
|
رد: ادخل وشوف يوميات غزاوى
بارك الله فى عمرك أم فادى
هذه حقيقة مرة تجدها فى الحلق الله معكم إخواننا وأخواتنا والأبناء والبنات أهالينا بفلسطين اللهم ارحم الشهداء
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
04 -02 -2009, 01:23 PM
|
#9 (permalink) | |||||||||||||||||||||||||||||||||||||||||
|
رد: ادخل وشوف يوميات غزاوى
بارك الله فيك يوميات جميلة في السرد لكن في داخلها الحزن والشجن وكثير من الامل الله يفك حصارهم وينصرهم على اليهود والخونة اتباعهم
|
|||||||||||||||||||||||||||||||||||||||||
|
|
||||||||||||||||||||||||||||||||||||||||||
|
| يشاهد الموضوع حالياً: 1 (0 عضو و 1 ضيف) | |
| أدوات الموضوع | |
|
|
المواضيع المتشابهة
|
||||
| الموضوع | كاتب الموضوع | المنتدى | مشاركات | المشاركة الأخيرة |
| الشيخ محمود الشحات اخر سورة المؤمنون والانفطار من قرية نشا نبروة / دقهلية | محمد الشوربجى | منتدى الفديو والمرئيات | 44 | 11 -04 -2009 03:30 AM |
| موقع ( خصص ليأخذك الى الجنه ادخل وشوف ) | جمعه الحصرى | منتدى تلاوات القران المجودة | 4 | 15 -05 -2007 03:53 PM |
| انفراد ( ادخل وشوف) اجعل مساحة هاردك الضعف بدون سحر | مؤمن كريم | قسم الشروحات العامة وشرح البرامج | 10 | 05 -04 -2007 04:58 AM |
| زى ماخليت نسخة الويندوز اصلية حخلى البرامج التجريبية دائمة ادخل وشوف واستمتع ببرامجك | مؤمن كريم | قسم الشروحات العامة وشرح البرامج | 9 | 21 -03 -2007 08:23 PM |
| زى ماخليت نسخة الويندوز اصلية حخلى البرامج التجريبية دائمة ادخل وشوف واستمتع ببرامجك | مؤمن كريم | المواضيع المكررة | 12 | 21 -03 -2007 08:13 PM |
